EQUIPO AFECCIONADOS: 3ª AUTONÓMICA

Chegou a primeira victoria do equipo de maiores na segunda xornada da Liga. Foi a domicilio fronte ó Lestedo por cero goles a 1. O equipo de Mac deu mostras durante todo o encontro da súa superioridade. Así xa na primeira metade contou polo menos con cinco ocasións claras de gol nos pés de “Flores”, “Polinho” e tamén “Rañosinho” que rematou ó longueiro. Sin pasar apuros en defensa, o Furia con paciencia sigueu buscando o gol na segunda parte. O gol non chegaba e comezaban a chegar os nervos; pero no minuto 75, unha xogada polémica na que “Lilu” loitou o balón, o rexeite chegoulle a “Casano” que rematou a porta baleira, conseguindo o gol que valeu os tres puntos. Dende ese momento ata o final nervos e máis nervos, pero a boa defensa e o bo facer de “Peixe” (que continúa coa súa porta a cero), conseguiron manter o resultado. Hai que destacar de tódolos xeitos o desastroso labor do colexiado para os dous equipos, e nun partido sen ningún problema expulsou a cinco xogadores. Dous por parte do Lestedo e tres por parte do Furia: “Lilu”, por doble cartón marelo; “Nevero”, por facer unha falta sendo o último home; e “Alvaro”, por encararse cun contrario. É esta a única pega do partido. Hai que destacar os debuts de “Polinho” e de “Rañó” que causaron unha moi boa impresión, ó igual que todo o equipo; aínda que siguen sen estar finos de cara ó gol. Fixo un moi bo partido tamén Tito que loitou moito e púxolle a nota de calidade. Tamén comentar que Manolito retirouse lesionado no minuto 20 por unha forte dor no seu nocello dereito. O próximo partido do Furia será en Campaña o vindeiro domingo ás 4 e media da tarde, contra o líder nestes momentos da categoría: O Estudiantil. Un equipo que ten o maior presuposto da categoría e que vai loitar ó igual que o Furia polo ascenso de categoría. É o partido destacado da xornada, e esperemos que sexa positivo para o Furia, porque é moi importante.

XUVENÍS: 2ª AUTONÓMICA

Non puido ser, o equipo xuvenil colleitou unha nova derrota en Bastavales. A pesar de que xogaron un bo partido, a mala sorte impediu que o equipo sacara algo positivo. O gol de “Pó”, non impediu a derrota por 2 a 1. Este resultado non fai que os ánimos dos rapaces decaia que intentarán comenzar a remontar postos na clasificación derrotando no próximo encontro a A Golada; que visita Campaña o vindeiro sábado ás 4 e media da tarde. Ánimo e sorte.

CADETES: 2ª AUTONÓMICA

Comezou a Liga de Cadetes. Os nosos tiñan unha difícil visita ó equipo do Milladoiro. Isto unido ás innumerables baixas coas que contaba o equipo fixo que o equipo dirixido por Suso e “Ronaldinho”, colleitara unha derrota. O resultado final de 5 a 0, é enganoso, porque o partido foi bastante igualado, pero as contras sorprenderon á defensa do Furia. Seguro que non perderán á moral por este contratempo, e que no próximo partido o resultado será outro. Sen embargo haberá que esperar para sabelo, xa que este fin de semana os cadetes descansan.

INFANTÍS: 2ª AUTONÓMICA

Mal inicio para os infantís. No partido celebrado o pasado sábado pola mañan, o Bastavales deu boa conta do equipo do Furia. O resultado de 0 a 4, fala ben as claras da superioridade do equipo visitante. Sen embargo, o Furia tivo as súas oportunidades, aínda que non soubo aproveitalas. Seguro que as cousas cambiarán no futuro. Tamén descansan este fin de semana.

FÚTBOL SALA FEMININO: 1ª PROVINCIAL

Este fin de semana, as nosas mulleres descansaron. O vindeiro sábado xogarán outra vez como locais no Pavillón Municipal de Cordeiro, fronte a un difícil rival: o Boqueixón; que está nos postos altos da clasificación. Pero ó ánimo do equipo e dar a primeira alegría a afección na casa. O partido xogarase ás 7 da tarde. Sorte.

.

De pé (de esquerda a dereita): Xosé Manuel, Josiño, Yonis, Casano-adestrador-, Alex, Adrían, Lucas Campaña.

Aniñados (de esquerda a dereita): Melanie, Manu Busto, Curros, Samuel, Yupi, Lucas Lestido, Noé.

3ª AUTONÓMICA:AFECCIONADOS

O pasado domingo comezou a andaina do equipo de afeccionados do Furia no Campo de Campaña fronte ó equipo do Ribasar. Ante uns 150 afeccionados e cun día perfecto para a práctica do fútbol o noso equipo non foi capaz de pasar do empate a ceros. O partido foi bastante espeso, por non dicir que foi un pouco soporífero; aínda que hai que ter en conta que é o primeiro partido de liga e os nervos atenazaron ós nosos. Na primeira metade o colexiado non asubiou un claro penalti a “Perreta”, pero aínda así o Furia non se achegou con demasiado perigo á meta do Ribasar defendida por “Capacho”. Na segunda metade o Furia presionou e creou varias ocasións de gol, pero unhas veces os nervos e a mala sorte e outras a falta de olfato goleador impediron acadar a primeira victoria. Destacar os debuts no Furia de “Nino” e de “Rañosinho”, que apuntaron maneiras. Fora do resultado, o equipo ten moito que mellorar, pero todos confiamos no bo facer do adestrador Martín. O próximo domingo o Furia xogará en Lestedo ás 4 e media da tarde. Apoiemos ó equipo.

FÚTBOL SALA FEMININO: 1ª PROVINCIAL SENIOR

O pasado sábado ás 7 da tarde, as rapazas do Furia xogaron o seu primeiro partido como locais no pavillón de Beiro, fronte a un dos equipos punteiros da categoría como é o Brión. Cunha moi abundante presenza de público tanto local como de Brión, o Furia plantou cara ás de Brión; pero ó final ás fichaxes do equipo brionés decidiron coa súa calidade o encontro. O resultado final foi de 0-4 con victoria para o equipo visitante (ó descanso o resultado era de 0-1). As rapazas fixeron un moi bo partido defensivo, aínda que non tan bo en ataque. Destacada actuación unha vez máis da porteira “Sheila” que fixo un partido maravilloso. O Furia ocupa a oitava posición na táboa desta difícil categoría con 3 puntos, e o próximo fin de semana tócalle descansar.

2ª AUTONÓMICA XUVENIL

Inesperada derrota dos Xuvenís o sábado pola tarde en Campaña diante do Val do Ulla. A pesar de que o equipo comezou moi ben, cuns primeiros minutos espectaculares onde se adiantaron no marcador por medio de “Pipe”, e puideron marcar algún gol máis; pouco a pouco deixáronse levar e o Val do Ulla foi subindo a moral ata chegar a empatar antes do descanso. Logo do tempo de lecer, a segunda metade foi moi igualada, con oportunidades para os dous equipos, e nunha delas o equipo visitante adiantouse e os nosos mozos xa non foron capaces de remontar. Aínda así hai que confiar no equipo porque teñen moitas posibilidades de facer unha moi boa tempada. Ánimo. O próximo encontro disputarano o sábado pola tarde as 4 e media da tarde contra o Bastavales, neste último pobo ó que cantou Rosalía.

2ª AUTONÓMICA CADETE

Comeza unha nova andaina dos nosos cadetes, logo de que o ano pasado baixaran da 1ª Autonómica, nesta nova categoría. Da man de “Suso Bousón” e de “Ronaldinho”, os chavales tentarán facer todo o que poidan nesta difícil temporada. O primeiro encontro xogarano no Milladoiro, contra este equipo, o domingo ás 11 da mañán.

2ªAUTONÓMICA INFANTIL

Tamén comeza a súa andaina o equipo infantil. Os novos adestradores “Flores” e Xavi “Casano”, tentarán facer esquencer a regular temporada do ano pasado. “Yupi”, “Lucas”, “Xosé Manuel, “Yonis”, e compañía tentarán facer unha campaña meritoria. Comezarán a competición o sábado ás 11 da mañán no Campo de Campaña. É o único partido que xogamos na casa este fin de semana, así que hai que ir animar. O rival será complicado, xa que nos imos enfrentar  ó Bastavales.

Ánimo e sorte a tod@s