AFECCIONADOS: FURIA-URBAN (6-0)

Partido intrascendente e un pouco aburrido. O Furia é hoxe por hoxe moi superior a este equipo santiagués, que de tódolos xeitos foron moi nobles, salvo un pequeno detalle feo do número 4 cando remataba o equipo. Teñen moito mérito. Os goles anotados por Rubén (2), Flores(2)-que está amosando que neste remate de temporada está en plena forma-, un Álvaro e outro Lilu; foron o único que sacaron ó pouco público do aburrimento xeral. As cousas están difíciles pero cos partidos que temos atrasados si os sacamos adiante, aínda hai unha pequena esperanza, xa que quedaríamos a sete puntos do Sar e a 5 do Estudiantil (co que temos pendente unha reclamación), e téndonos que enfrontar ó Sar. Todo pode pasar, e ata que as matemáticas digan o contrario hai que seguir loitando. O próximo domingo ás 5 e media da tarde en Ortoño, enfróntanse ó Bugallido.

FUTBOL SALA FEMININO: FAME NEGRA-FURIA (0-0)

O partido non rematou porque os colexiados suspendérono á falta de 16 minutos e 35 segundos para o remate do mesmo. Unha agresión da número 9 do equipo contrario que foi repelida valentemente por Cristina, fixo que o partido non chegase ó seu final. Ata aí, un partidazo das nosas xogadoras, que sobrepoñéndose ó ambente hostil e as marrullerías da devandita número 9 do Fame Negra e tamén da súa adestradora estaban plantando cara con gran mérito ó equipo de Carral. Destacar a todas as xogadoras (Sheila, Mari, Bea ,Vanesa, Cristina e tamén Laura e Pili) que sin ningún cambio estaban desplegando un gran derroche físico. Posiblemente un dos mellores encontros das nosas rapazas ata que aconteceu o feito xa descrito. Agora a esperar o dictamen do Comité de Competición. O próximo sábado en Beiro, reciben a un dos mellores equipos da Liga: o Fisober; pero que visto o visto a xornada pasada as nosas poden dar a sorpresa.

XUVENÍS: FURIA-ORTOÑO (3-5)

Algún día tiña que ser, e este sábado truncouse a racha triunfal dos xuvenís. Unha nefasta primeira metade (1-5, ó descanso), fixeron inútil o arreón da segunda metade. Nesta liga xuvenil si non saes enchufado, págalo caro. Os goles do Furia foron anotados por Ferro, e dous por Pó. O sábado viaxan a Recesende, o segundo clasificado; polo que se espera un duelo interesantísimo. O partido será ás 4 e media da tarde.

INFANTÍS: FURIA-CORDEIRO (0-5)

A maior forza física do Cordeiro, fíxose notar, e a pesar de que o plantexamento do Furia foi valente. Hai que recoñecer a superioridade do rival e esperar a temporadas onde cambien as tornas.  O mellor do encontro foi o “fair play” de xogadores e afeccionados, que disfrutaron dunha tarde de fútbol moi agradable. O próximo encontro será en Dodro, aínda sen confirmar nen data nen horario.

Equipo infantil que se enfrontou ó Cordeiro.

De pé (de esquerda a dereita): Cassano-adestrador-, Lucas Brasi, Xosinho, Yonis, Adrián Casal, Alex, Lucas “Montaña”e  Santi “Cabo”-segundo adestrador-.

Aniñados (de esquerda a dereita): Danielinho, Manu Busto, Samuel Castiñeiras, Yupi, Curros, Noé e Xosé Manuel.

Manuel Blanco, delegado do Cordeiro, atento ás incidencias do xogo e sempre disposto a axudar ós dous equipos.

ALEVÍNS: FURIA-DODRO (3-6)

Outro encontro que se foi ó limbo. Non teñen sorte os chaval@s. Pelexaron o partido todo o tempo, pero o maior acerto de cara ó gol do Dodro fixeron inútiles os tres goles do gran protagonista do encontro, que foi Samuel Castiñeiras. O próximo encontro será o derradeiro desta temporada na categoría, contra o Cacheiras, en Campaña, tamén sen confirmar nen día nen hora. Moita sorte e a ver si o último envite, se salda con victoria.

AFECCIONADOS: DESCANSO

Esta semana os nosos maiores xogarán dous partidos, que a priori se deberían converter en seis puntos para o noso casilleiro: o xoves de San Xosé (por certo felicidades a tod@s os que estedes de celebración de onomástica ese día) contra o Lestedo; e o domingo contra o Estudiantil. Ámbolos encontros celebraránse en, Campaña,  ás 5 da tarde.

FÚTBOL SALA FEMININO: FURIA-XERFA (0-4)

Non puido ser e as rapazas non puideron continuar coa súa boa racha. O encontro foi moi disputado sobre todo na primeira metade; pero na segunda ás do Xerfa amosaron claramente que eran superiores polo de agora ás nosas chavalas. Tamén xogarán dous encontros esta semana: os dous son moi importantes, xa que se miden a equipos que en teoría están xogando a súa liga; o xoves en Beiro ás 6 da tarde fronte ó Esteirana, e posiblemente o sabado fronte o Fame Negra. Moita sorte.

XUVENÍS: DODRO-FURIA (2-2)

Truncouse parcialmente a xeira de victorias consecutivas dos mozos, pero aínda así, siguen invictos unha xornada máis. Os goles anotados por Pablo Busto e Xoan Carlos; deron un punto máis para o casilleiro do Furia. O próximo sábado ás 5 da tarde en Campaña, enfróntanse a un difícil rival: o Ortoño.

INFANTÍS: BERTAMIRÁNS-FURIA (11-2)

Si a pasada xornada, os pupilos de Xabi lle endosaban 16 ó seu rival, esta vez os “trasquilados” foron eles. Recibiron 11 do segundo clasificado, que demostrou o porqué da súa clasificación. Dous novos goles de Lucas “Brasi” foron a única alegría esta xornada. O próximo venres ás 6 da tarde xogan un partidazo e derbi contra o Cordeiro -o cal se xoga moito-. Os nervios poden xogar unha mala pasada ó equipo de Manolo “Lula”. Xa se verá.

ALEVÍNS: CACHEIRAS-FURIA (3-2)

Definitivamente son as meigas. Posiblemente este sexa o equipo que podía ir mellor clasificado, pero a sorte este ano elles esquiva. Foron todo o encontro practicamente por diante no marcador (os dous goles foron marcados por Melanie), pero ó final como sempre; remataron perdendo o encontro. Que non se preocupen que o ano vindeiro, outro galo cantará. O sábado ás 11 da mañá enfróntanse ó Dodro, en Campaña.

BENXAMÍNS: FINAL DE TEMPORADA.

A pesar de quedar novenos na súa categoría, hai que felicitar a todos e todas pola súa enorme campaña e por ter tanto ánimo e ilusión. Son pequenos e esto é o máis importante. Tamén hai que felicitar e dar a noraboa ó tandem formado por Diego Fernández e “Perillo” pola súa laboura impagable e pola súa adicación con estes pequechos. Según o France Football estes son os destacados do ano (aínda que todos e todas son maravillos@s)

XOGADOR REVELACIÓN: Ricardinho.

XOGADOR CON MÁIS CORAXE: Xavi Martínez.

XOGADOR MÁIS REGULAR: Anxo.

XOGADOR CON MÁIS PROXECCIÓN: Lois.

XOGADOR MÁIS BOIÑO: Jonathan Baleirón.

PORTEIRO MENOS GOLEADO: Borja Seco- igualiño que seu pai-.

XOGADORES IMPORTANTES: Brais Galán, Brais Martínez, Leandro e Antonio

GOLEADORES:

. 1 gol…..Anxo Muñíz

. 4 goles…..Lois

. 19 goles e PICHICHI DO EQUIPO BENXAMIN - 19 goles son moitos goles, si señor-…….SERXIO, SERXIO …….RIIIII…RICO.

O “pichichi” Serxio Rico.

De pé (de esquerda a dereita): Anxo, Antonio, Borja, Lois, Brais Galán.

Aniñados (de esquerda a dereita): Jonathan Baleirón, Xabi, Serxio Rico, Brais Martínez. Ricardinho.

Completa o plantel: Leandro-que non estaba o día da foto-

AFECCIONADOS: DESCANSO

Tamén descansarán a próxima xornada.

FÚTBOL SALA FEMININO: SADA-FURIA (1-1)

Gran resultado o colleitado polas mozas do Furia nas terras de Ferrolterra. Un partido moi completo, que mereceron gañar con solvencia, por xogo e oportunidades, e que non o fixeron en parte debido á moi “caseira” actuación arbitral que perxudicou durante todo o encontro ó noso equipo. Gran encontro de tódalas xogadoras, pero en especial de Cristina e de Mari. O próximo encontro será contra un dos rivais máis difíciles da categoría: O Xerfa da Coruña. Será o vindeiro sábado no Pavillón de Beiro, ás 7 da tarde.

XUVENÍS: FURIA-SAN MAMEDE (6-2)

Imparables. O equipo que adestran Polo e Cacharrito está que se sae. Levan unha racha impresionante de cinco victorias consecutivas e polo que parece poden seguir nesa liña triunfal nos próximos encontros. Un espectacular partido de Adrián Ferro (que anotou 4 goles, como 4 soles), e outros dous de Pablo Busto e Pó, puxeron no marcador un resultado que polo visto no encontro incluso se antolla corto. Lástima que a forma na que está agora o equipo, non comezase antes, porque polo que se vé podían aspirar a todo. Sen embargo, aínda queda moito e o tempo dirá o que pasa. Destacable foi tamén foi o debut exitoso de Cristian Castiñeiras na portería do Furia.  O próximo sábado, ás 6 da tarde xogan en Dodro.

CADETES: REMATE DA TEMPORADA.

Como xa dixemos a xornada anterior, hoxe adiantamos algunhas das valoracións feitas polo corpo técnico dos cadetes dirixidos por Suso Bousón, e que á espera da Copa, xa fixeron un primeiro balance e resumo do que foi a temporada.

XOGADOR REVELACIÓN: FRAN DE MONCHA

XOGADOR CON MÁIS CORAXE: TITOVICHENKO

XOGADOR CON MÁIS ÁNIMO E PELO: GABRIEL

XOGADOR CON MÁIS PROXECCIÓN: ADRIÁN “GASITO” (que según os técnicos cada vez parécese máis a Fernando Torres)

MELLOR XOGADOR E MÁIS REGULAR: CRISTIAN CASTIÑEIRAS.

PORTEIRO MENOS GOLEADO: CRISTIAN CASTIÑEIRAS.

GOLEADORES:

. Iván Potel…1 gol

. David de Moncha…1 gol

.Pó…2 goles

. Titovichenko…3 goles

. PICHICHI DOS CADETES CON 5 GOLES……¡GA…!, ¡GA…! ¡¡¡¡GASIIIITOOOO!!!!!!!.

Ademáis, e según as declaracións a medios internacionais como L´Equipe, Suso Bouzón afirmou que todos fixeron unha temporada moi importante e que ademais dos xa mencionados tamén Mickelino, Quique Rosío, Alex Rial e Victor Maio tiveron gran parte neste relativo éxito, e que aínda  teñen moito que dicir.

Por certo, que o corpo técnico, está pensando moi concienzudamente implantar a norma de que os xogadores “melenudos” teñan que cortar ese peliño maravilloso que algúns locen.

Gustaríanos que os internautas e os da peña do “foro” escribisen algo sobre este equipo e si temos que facer algún premio ou estatística que resulte interesante. Poñemos unha foto do equipo desta temporada, pero procuraremos máis adiante poñer unha renovada e con todos os xogadores da plantilla.

De pé (de esquerda a dereita): “Chino” Pérez -utillero-, Carou -presidente-, Po, David, Mickelino, Iván Potel, Titovichenko, Gabriel, e Suso Bouzón -adestrador-.

Aniñados: Lucas “montaña”-infantil-, Serxio, Alex -infantil-, Fran, Alex Rial, Gasito, Noé -infantil-, e Adrián Casal- infantil.

Faltaban ese día: Cristian Castiñeiras e Víctor Maio.

Ficha de infantil do gran Pichichi Gasito con 5 dianas

INFANTÍS: FURIA-ESCLAVITUDE (16-0)

Nada que dicir. O resultado é moi claro. O mellor partido que se lles leva visto durante varias temporadas. Tamén influeu moito os consellos da banda do segundo de Xavi Cotón (que non asisteu de inicio por estar indisposto); o incombustible Santi “o cabo”, que coas súas tácticas militares de “guerrilla” influeu moito neste resultado abultado. Moito mérito para os rapaces do Esclavitude que aguantaron o “chaparrón” moi dignamente. Os goleadores foron: Jonathan “Mambis” (novamente), Adrián Casal, Noé, Lucas “montaña”, Alex  e Xosé Manuel Rico, (que marcou un gol de antoloxía e foi a apoteose do campo), 2 goles cada un dos irmáns  Castiñeiras, 3 goles Lucas Brasi e tamén o incombustible “Raúl” do Furia: Yupi. O próximo sábado, teñen un encontro moi difícil ante o Bertamiráns, ás 12 da mañán.

ALEVÍNS: FURIA-FLAVIA (4-5)

Parecen as meigas. En tódolos partidos dan a cara, e loitan o partido ate o final, pero a sorte non acompaña. Un gol de Melanie e un “hat trick” de Luis David (que volveu logo dunha longa lesión), fixeron que o encontro estivese emocionantísimo ata o último segundo. Descansan a próxima xornada.

De pé (de esquerda a dereita): Diego Fernando -adestrador-, Danielinho, Salvador, Manu Meniño, Manu Busto, Ismael Azidane e Melanie.

Aniñados: Xosé Luis, Noelia, Xoan Manuel, Pedrinho, Luis David e Samuel Castiñeiras

BENXAMÍNS: REMATE DA TEMPORADA.

Gran campaña realizada polo equipo de Diego Fernández. En próximas xornadas tamén realizaremos un examen exhaustivo do feito pol@s pequech@s.

AFECCIONADOS: FURIA-PRAÍÑA (3-1)
Gran vitoria dos homes de Mac, que parece que volven a estar moi entonados. O partido foi dominado dende o principio ata que o colexiado pitou o final, non sie antes pitar un penalti rigoroso que lle dou o gol da honra ó Praíña. Gran encontro outra volta de Flores que se reivindica como a gran fichaxe desta última parte da temporada. Os goles foron marcados por Rubén, Álvaro e novamente Tito (que marcou novamente despois de moito tempo sin facelo). A nota positiva foi o partidazo que se “marcou” Lilu, que saíu de titular, co dez ás costas e que respondeu marabillosamente á confianza que o míster depositou nel. O próximo domingo descansan.

FÚTBOL SALA FEMININO: DRAKO-FURIA (11-1)
Enganoso o resultado. Aínda que o que poñemos nestas liñas parece unha parvada, non o é así. A pesares das numerosas baixas que tiñan as nosas rapazas, foron capaces a plantar cara a todo un líder durante a primeira metade. Pero a maior preparación física das coruñesas, fixo que golearan na segunda metade. O gol da honra foi marcado por Vanesa nos primeiros vintecinco minutos. O sábado volven a viaxar, a Sada, onde se enfrontarán ó equipo local, con hora aínda sen determinar.

XUVENÍS: CORDEIRO-FURIA (1-2)
Outro derbi para enmarcar, e outro derbi que temos no “papo”. Gran estratexia táctica a despregada por Polo e Scotter, que lle gañaron a partida por completo ó tándem Xil-Manolo do Xastre (éste último desaparecido nas labores técnicas, e moito máis pendente das tarefas organizativas; e lucindo unha chamativa gorra vermella da marca “Spiderman”). Adiantouse o Furia, cun gol de Ferro; e sería Pablo Busto o que desfaría as táboas que campeaban no marcador, xa na segunda metade. Un gol que resultou a todas luces decisivo. O mellor do encontro segundo tódolos medios periodísticos desprazados ó encontro foi Brais que lle puxo algo de sentido ó xogo. O próximo sábado ás 4 e media da tarde, mídense ó San Mamede, coa intención de continuar coa racha triunfal e conseguir a quinta vitoria consecutiva.

CADETES: DUBRA-FURIA (10-0)
Último e peor partido dos de Suso. O resultado o di todo. Sen embargo hai que felicitar ó equipo porque este ano conseguiron facer unha campaña máis que aceptable, rematando nunha digna sétima posición da táboa clasificatoria. Agora o próximo obxectivo será a copa, á que van a por todas. A clasificación podédela ver na páxina; aínda que a próxima xornada faremos un resumo da súa traxectoria ó longo da temporada e quizais algunha sorpresa (fotos, entrevistas, enquisas, etc.). Noraboa rapaces.

INFANTÍS: PONTECESURES-FURIA (4-5)
Espectacular encontro o celebrado no Ramón Diéguez de Pontecesures. Dous equipos completamente volcados ó ataque e que brindaron un enorme espectáculo futbolístico. Así si se consegue crear afección. Puido gañar calquera, pero ó final o equipo liderado esta vez por Lucas “Brasi” (que marcou dous tantos) conseguiron os tres puntos. Os outros goles foron obra de Samuel Castiñeiras (por partida dobre- e que é un rapaz que apunta maneiras-) e un golazo impresionante de Yonis “Mambis”. O feito máis destacable foi o debut na portería nos últimos vinte minutos de Danielinho, que como dixo o adestrador Xavi Cotón “ten moi boas maneiras de porteiro e defendeuse moi ben”. O próximo sábado ás 12 da mañá, en Campaña, mediranse ó Escravitude. Unha boa ocasión para seguir ascendendo postos na clasificación.

ALEVÍNS: CORDEIRO-FURIA (3-1)
Este derbi foi sen embargo para o eterno rival. A pesar de que o Furia adiantouse no marcador cun novo golazo de Pedrinho; a maior fortaleza física dos rapaces do Cordeiro, fixo que o encontro se decantase ó seu favor. Un gran partido e moi bo ambiente; onde os xogador@s de ámbolos equipos disfrutaron. Sábado ás 10 e media da mañán enfróntanse ó Flavia. Un oso duro de roer.. Sorte.

BENXAMÍNS: FURIA-TORDOIA (3-7)
¡Que lástima!. Logo de facer fronte durante toda a primeira parte (ó descanso o marcador era 3-3), ó equipo rival; un baixón físico fixo que os visitantes se levasen a victoria. Un dos mellores partidos de toda a temporada dos pequechos. Os goles anotados por Lois e como non por Serxio Rico (2), que está que se sale. Novo gran partido de Anxo Muñiz. O venres desprázanse a Bertamiráns, onde se enfrontarán ó equipo local ás 6 e media da tarde. Ademáis é o último partido da temporada.