AFECCIONADOS: BIDUIDO-FURIA (1-1)

Non foi o mellor encontro dos nosos maiores. Puideron colleitar un mellor resultado, pero a falta de gol (unha vez máis) non permitiron que trouxeran un mellor resultado. A pesar de xogar moitos minutos con 9 o Furia mereceu gañar o encontro. Hai que destacar o maravilloso gol que anotou Xavi Cotón, e que xogaron catro xuvenís: Klá, Ferro, Brais e Malekinho. Hai futuro. Esta semana o Furia ten dous compromisos (como o Barça de Pep): o último partido de Liga contra o Rarís o venres ás 4 da tarde en Campaña; e o domingo un espectacular encontro da primeira eliminatoria da Copa do Sar a partido único contra o Lesende de 2ª Autonómica, tamén en Campaña, ás 6 da tarde.

A sufrida afección do Furia.

O tándem de adestradores do equipo xuvenil, xunto co colexiado Rafael Vicente, un dos protagonistas do encontro.

Equipo que se enfrontou ó Biduido. De pé (de esquerda a dereita): Mac-adestrador-, Klá -xuvenil-, Santi, Manolito, Ferro -xuvenil-, Alvaro, Tito e Peixe.

Aniñados (de esquerda a dereita): Flores, Roberto, Brais -xuvenil-, Patxi, Xabi, Malekinho -xuvenil- e Rañó.

FÚTBOL SALA FEMININO: Descansaron.

O próximo sábado, ás 7 da tarde no Pavillón de Beiro, enfróntanse ó líder e xa campión de Liga, o Drako da Coruña. Moita sorte.

XUVENÍS: Copa do Sar.

No sorteo celebrado o pasado venres, ó noso equipo correspondeulle na primeira eliminatoria a partido único contra o Taragoña. O partido celebrarase en Campaña, posiblemente o 23 de Maio ás 6 da tarde. Moita sorte.

CADETES: Copa do Sar.

Ó equipo de Suso B., correspondeulle en sorte o equipo do Cruces, tamén a partido único, o vindeiro 17 de Maio- día das Letras Galegas- , en Vila de Cruces, posiblemente ás 11 da mañá.

INFANTÍS: CALLOBRE-FURIA (2-1)

Unha mágoa, pero o bo resultado que colleitaron na primeira metade (0-1), cun novo tanto de Yupi; non puideron refrendalo na segunda parte; e o equipo local, consigueu remontar o marcador. O próximo sábado ás 11 da mañá, disputan o seu último partido ligueiro, enfrontándose ó Xuventude Oroso, en Campaña. Boa oportunidade para despedirse cun gran sabor de boca da afección.

AFECCIONADOS: FURIA-VAL DO ULLA (1-2)

Tiráronse por terra as poucas esperanzas que quedaban. Nunha primeira parte para olvidar o equipo de Mac, non puido superar ó equipo rival. A pesar de que o equipo tivo innumerables ocasións, o defecto de toda a temporada- a falta de gol-, arruinou este primeiros corenta e cinco minutos. Na segunda metade, algo máis entonados, o Furia marcou un gol de penalti por medio de Perreta; e aínda que o tentou, non puido conseguir nada positivo. Espectaculares foron os minutos que Santi “Cabi”, xogou de dianteiro. El soio, puido remontar o encontro, primeiro cunha doble ocasión que desvaratou o porteiro rival; e máis tarde cunha fermosa chilena que a piques estivo de rematar en gol. De feito, moitos afeccionados xa se preguntaban porque Santi non saira antes, ou porque non xoga sempre de dianteiro. Ó mellor outro galo cantaría. Tamén destacar que xogaron os xuvenís Ferro e Malekinho; que foron do mellor do partido. O próximo domingo, enfróntanse ó Biduido,  ás 5 da tarde en terreo alleo.

FÚTBOL SALA-FEMININO: FURIA-FEMIORDES (3-0)

Desgraciada tarde en Beiro. O encontro non rematou pola espectacular e gravisima lesión que sufriu a nosa xogadora Cristina. Foi trasladada de inmediato ó centro sanitario da Rosaleda en Santiago, en Ambulancia. Sufre unha gravísima lesión (gravísima luxación de nocello, rotura da cabeza do maleolo e rotura de peroné), da que hoxe mesmo foi intervida quirúrxicamente. Parece que todo saíu moi ben pero aínda hai que ser cautos. Todas as compañeiras, e toda a masa social do Furia está contigo. RECUPÉRATE PRONTO QUE TE VOTAMOS DE MENOS.  O próximo fin de semana descansan- si non hai ningunha novidade-.

XUVENÍS: Descansaron.

Rematou a Liga nesta categoría. Unha gran campaña do equipo de Polo e Cacharrito. Remataron nunha moi digna séptima posición; aínda que hai que dicir, que ó mellor podían aspirar a postos máis altos co bo equipo que teñen. De tódolos xeitos, hai que agardar que a vindeira temporada aspiren a todo, xa que manteñen o equipo practicamente na súa totalidade. Agora esperan á Copa do Sar, onde esperan chegar ó máis lonxe posible. Según os informes técnicos, os destacados da temporada son:

XOGADOR REVELACIÓN: Pascolo, Felipe e Pepe.

XOGADOR CON MÁIS CORAXE: Malekinho.

XOGADOR MÁIS REGULAR: Brais.

XOGADOR MÁIS BOIÑO: Diego Fernández.

PORTEIRO MENOS GOLEADO: Carlitos “Mambis”.

GOLEADORES:

1 GOL…Xoan Carlos, Pipe, Diego Fernández e Serxio Llerena-cadete-

2 GOLES… Rubén Lorenzo.

3 GOLES… Malekinho, Adriansinho, Brais e Klá.

5 GOLES… Pó

8 GOLES… Pascolo.

10 GOLES… Pablo Busto.

15 GOLES E SUPER PICHICHI XUVENIL…..ADRIÁAAAANNNNN FEEEERRRRRROOOO.

De pé (de esquerda a dereita): Cacharrito-adestrador-, A. Ferro, Klá, Carlitos, Rubén Lorenzo, Pó-cadete-, Pablo Busto, Xoan Carlos, Borja, Polo-adestrador-.

Aniñados (de esquerda a dereita): Pascolo, Carlos Potel, Diego Fernández, Pepe, Malekinho, Brais, Pipe, Adriansinho.

Adrián Ferro, flamante “pichichi” dos xuvenís en Liga.

INFANTÍS: Descansaron.

O próximo sábado, ás 11 da mañá enfróntanse ó Callobre ó equipo local. Moita Sorte.

ALEVÍNS: Foto da participación na Arousa Cup

Manu Meniño, o bravo xogador do Furia, nun lance do encontro disputado contra A Seca, no campo da Lomba, en Vilagarcía; durante a disputa da Arousa Cup.

AFECCIONADOS: SAR-FURIA (3-1)

A pesar do que parece dicir o resultado, podemos afirmar que quizais o de onte foi un dos mellores encontros dos maiores no que vai de temporada. Enchufados, atentos, rápidos, cun gran xogo de ataque e unha magnífica defensa; loitaron o indecible por levarse o encontro, e solo unha mala actuación arbitral, e tamén as gañas do contrario fixeron que o resultado fose ese e non se levaran os tres puntos. Cando falamos da labor do colexiado non queremos dicir que influise en xogadas puntuais, pero si que parecía perseguir ós nosos xogadores con amonestacións. De feito o entrenador Martín tivo que facer dous cambios antes do descanso -con moi bo criterio por certo- para que o noso equipo non se quedase con sete ou oito xogadores no terreo de xogo; porque como dicimos o árbitro desquiciou ós xogadores e incluso ós afeccionados do Furia coas súas actitudes chulescas. Sen embargo, non hai que poñerlle pegas á victoria do Sar, que consigueu os tres puntos en boa lid, e cun partido no que se viu dominado pero que en accións puntuais marcou os tres goles. O Furia marcou un gran tanto por medio de Perreta. Hai que destacar a labor de todo o equipo, cun gran Álvaro, un Perreta moi motivado, un gran Manolito, un Micky espectacular en tódalas súas accións, un Flores descoñecido, un Paja desequilibrante, e en xeral un gran partido de todos os que interviñeron no encontro. Si se lle pode poñer un único “pero” ó encontro foi que Peixe non estivo demasiado afortunado nas dúas saídas que deron orixe ás xogadas do segundo e terceiro gol; pero erros témolos todos. O próximo domingo, posiblemente ás 5 da tarde, reciben a visita do Val do Ulla.

FÚTBOL SALA FEMININO: Descanso

O próximo sábado reciben ó Femiordes, no Pavillón de Beiro, ás 7 da tarde.

XUVENÍS: FURIA-CALLOBRE (1-0)

Parece que os chavales voltan pola senda dos bos resultados, e gañaron, non sen dificultades; pero cun partido moi serio a un difícil rival, cun gran gol de Malekinho. O próximo sábado de pascuilla descansan.

INFANTÍS: Descanso.

A próxima xornada tamén descansan.

ALEVÍNS: Arousa Cup

Participación moi digna do equipo de Diego Fernández, envoltos nun ambiente extraordinario. De tódolos xeitos ás catro derrotas colleitados non lle permitiron loitar por entrar na fase final do torneo, onde se terían que ver as caras contra equipos de categoría mundial recoñecida.

AFECCIONADOS: FURIA-HERBÓN(2-4)

Horrible o encontro na segunda metade do Furia que tirou por terra moitas das posibilidades que aínda lle quedaban. Os goles de Tito e de Xabi na primeira metade remontaron o tanto inicial do Herbón. Todo parecía que se lle poñía de cara ós de Mac; pero unha segunda parte sen gañas e apática fixo medrar ó Herbón, que merecidamente se levou os tres puntos. Gran partido do visitante Regalía, que a pesar da súa veteranía xogou a un nivel altísimo. Tamén mencionar o bo partido de varios ex-xogadores do Furia, como Iván, Manolo Raposo, Geri e Juanjo “Pelouro”. O próximo domingo de Pascua, xogan un partido importantísimo en Extramundi contra o Sar. Os nosos teñen que gañar, si ou si; si aínda queren manter algunha esperanza; e por suposto tamén é vital para o Sar na súa pelexa por ascender.

FÚTBOL SALA FEMININO: O PINO-FURIA (3-1)

Inxustísimo o resultado colleitado polas rapazas en terras do Camiño de Santiago. Un dos mellores partidos das nosas que sin embargo non se refrendou con puntos no seu casilleiro. Adiantáronse no marcador cun bonito gol de Vanesa, pero as contrarias acabaron remontando o encontro. Hai que destacar outra vez o enorme partido de Cristina e sobre todo de Mari que está que se sae.  O próximo fin de semana descansan.

XUVENÍS: A GOLADA-FURIA (1-1)

A pesar das innumerables baixas coas que contaba o equipo un resultado que fai ós chavales volver pola senda dos bos resultados. Non foi un gran encontro; pero demóstrase unha vez máis que a canteira do Furia ten un bo futuro. Tanto é así que debutaron dous novos cadetes: Miguel Busto e Serxio LLerena; que ademáis de xogar titular marcou o gol que lle daba un punto ó equipo. O próximo sábado ás 5 enfróntanse ó Callobre.

INFANTÍS: FURIA-CACHEIRAS (0-6)

Nada que dicir. O Cacheiras foi moi superior e demostrou o porqué está loitando pola Liga. O próximo fin de semana descansan.

ALEVÍNS: Descansaron.

Hai que destacar que este fin de semana acoden unha vez máis a Arousa Cup.

Xoves 9:

13´30 …A Seca-Furia

19´00…Catoira-Furia

Venres 10:

10´30…Noalla-Furia

13´30…Redondela-Furia

Os encontros xogaránse no Campo da Lomba en Vilagarcía.

Noraboa, a todos e todas. Conseguimos chegar ás 10.000 visitas, en 6 meses. Un gran fito para unha entidade modesta como a nosa. Pero esto non se conseguiría sen tod@s. Continuade participando na páxina e no foro.

Por certo, sabedes de onde proceden algunha das visitas da páxina?. Por suposto de Galiza, do estado español (Madrid, Zaragoza, Barcelona, Almería, Oviedo, Móstoles, Donosti, Santander, Tarragona, Almería, Granada, San Cugat del Vallés, Valladolid, Bilbao, Palma de Mallorca, Vitoria, …

De moitos países europeos, como por exemplo, Alemaña (Munich), Francia (Lyon), Inglaterra (Londres, Canterbury), Suiza,…

E como non do resto d

o mundo: Estados Unidos (Los Ángeles, Wyoming, Dallas), Brasil (Santos, Sao Paulo, Goiania), México (Guadalajara), Canadá (Otawa), Colombia (Medellín, Barranquilla), Chile, Filipinas,……

Unha pasada.

AFECCIONADOS: BUGALLIDO-FURIA (0-3)

Aínda non entendemos como este equipo nos puido empatar en Campaña, sobre todo despois de ver a superioridade manifesta que o noso equipo amosou sobre o terreo de xogo de Ortoño. Unha tarde magnífica de fútbol e moi agradable climatoloxicamente. Os chavales sin “pisar o acelerador” metéronlle tres ó equipo local pero puideron ser moitos máis. Gran partido de todo o equipo en xeral, e si tivesemos que destacar a alguén sería a Manolito, Ramón,  Tito, e Alvaro. Os goles foron anotados polos dous últimos (Tito e Álvaro) e o terceiro por Rubén.  Por certo, que temos que correxir un erro que cometemos a semana pasada, xa que lle anotamos un gol a Flores, que en realidade fora marcado por Xabi Cotón. Desculpas. Tamén destacar que xa nos deron os tres puntos do Lestedo, co que xa temos 39. Ánimo que aínda se pode ir a por todas.O próximo encontro será en Campaña contra o San Antonio de Herbón, o domingo ás 5 da tarde. Outra cousa que nos gustaría é mandar un saúdo ó adestrador Mac, que está maliño no hospital. Recupérate Mac, que te votamos de menos.

FÚTBOL SALA FEMININO: FURIA-FISOBER (0-6)

Un dos mellores equipos do torneo viuse o sábado en Beiro. Ademais contaba o Furia con innumerables baixas, pero aínda así conseguiron completar un encontro cheo de garra e loita. Destacar a gran actuación de Cristina (que está que se sale), de Mari( como sempre) e tamén de Lucía, que completou o seu mellor encontro desta temporada co Furia. O próximo fin de semana xogan en O Pino, pero sin data nin hora confirmadas.

XUVENÍS: RECESENDE-FURIA (5-2)

Superioridade do Recesende, que amosou o porqué da súa clasificación. A pesar de que o Furia aguantou ata o 1-1, logo o equipo local foi un vendaval e pasou por encima dos chavales de Polo e Cacharrito. Os dous tantos de Pablo Busto, conseguiron que o resultado non fose de escándalo. O próximo sábado o equipo desprázase á Golada, onde disputará o seu encontro ás 5 da tarde.

INFANTÍS: DODRO- FURIA (0-4)

Nova victoria do equipo que está dando máis alegrías ó noso clube esta temporada. A man intelixente de Xabi, a garra de Santi “Cabi” e o desparpajo e gañas de tódolos chavales, están facendo desta temporada unha das mellores desta categoría. Superioridade absoluta, refrendada con dous goles novamente de Yupi, un de Lucas “montaña” e un auténtico golazo de Xosinho (logo dunha ruleta ó borde da área e un gran disparo que entrou por toda a escadra). O domingo pola mañán, xogarán contra o Cacheiras en Campaña.

ALEVÍNS: FURIA-CACHEIRAS (O-4)

Na tónica de toda a temporada: bo partido, pero sin sorte. É incríble pero este equipo que non tivo moi bos resultados desplegou un gran xogo durante toda a temporada. Perdeu tódolos encontros por pouco e puido gañar ou empatar moitos deles. Unha mágoa, pero xa sabedes que agora é a idade de aprender e este equipo estao facendo moi ben. Como sempre que remata unha tempada dunha das categorías facemos unha análise do máis destacado, sempre contando cos mellores analistas e tertulianos do mundo do fútbol de aldea mundial.

XOGADOR REVELACIÓN: Salvador Tarrío.

XOGADOR CON MÁIS CORAXE: Pedrinho.

XOGADOR CON MÁIS PROXECCIÓN : Noelia.

XOGADOR MÁIS BOÍÑO: Danielinho.

PORTEIRO MENOS GOLEADO: Danielinho.

XOGADORES IMPORTANTES: Melanie, Manu Busto, Manu Meniño, Luis David, Xoan Manuel, Samuel Castiñeiras, Ismael Azidane,

GOLEADORES:

1 Gol……Manu Busto

3 Goles…………Pedrinho e Luis David.

6 Goles…………………………..Samuel Castiñeiras.

8 Goles e Pichichi ou mellor dito Pichichísima………….MELANIIIIIIIIIIIIIIIIIIIIE.

De pé (de esquerda a dereita): Diego Fernández-adestrador-, Danielinho,  Salvador, Manu Meniño, Manu Busto, Ismael Azidane, Melanie.

Aniñados (de esquerda a dereita): Xosé Luis, Noelia, Xoan Manuel, Pedrinho, Luis David e Samuel Castiñeiras.