AFECCIONADOS:

Resultados:

Furia-Deixebre…Non disputado debido a que o rival non puido acudir por razóns de loxística.

Furia-Abanqueiro…3-0. Disputado o sábado pasado en Campaña contra un combinado do Abanqueiro A e o Abanqueiro B. O Furia amosouse moi superior ó equipo visitante, e así o reflexou o marcador final. Goles de Pincho, Perreta e Roberto. Deixou unha boa impresión o equipo, que aínda que non o cen por cen fisicamente, demostrou que a esixente pretemporada que está plantexando o adestrador Martín, comezan a dar os seus frutos, xa que se amosaron moi superiores no aspecto físico ó equipo rival. Aínda que case queda un mes para o inicio do campionato ligueiro o visto fai albergar esperanzas dunha boa temporada. Vironse moi fortes case todos, pero destacaron Perreta, o xuvenil Rubén, Manolito, Lilu, e tamén deixaron moi boas cousas as novas incorporacións como Pincho, Roberto, e o recuperado Ronaldinho; que se viu como nos seus mellores tempos logo da súa larga lesión de  ano e medio. Por certo, xa podemos adiantar que o Furia comezará o campionato ligueiro o vindeiro 20 de Setembro, na casa contra o Ribasar. A próxima semana prometemos facer un gran dosier do equipo e tamén cunha entrevista ó adestrador Martín.

INFANTÍS: TROFEO “FESTAS DE PORTO”

O equipo infantil acudiu a esta cita que se celebra no concello cesureño. En semifinais non tiveron sorte, xa que cairon contra o Catoira por un resultado de 8 a O.

PARTIDO PRETEMPORADA EQUIPO AFECCIONADO: BAMIO-FURIA (0-1)

O pasado sábado pola tarde, o equipo de afeccionados disputou o seu primeiro partido de pretemporada, despois dunha primeira semana de duros adestramentos. A esixencia física que Mac, está a aplicarlles ós seus rapaces, notouse neste primeiro enfrontamento diante dun equipo de superior categoría como o Bamio. Durante todo o encontro o Furia foi superior, sobre todo no apartado físico. O equipo levouse a victoria gracias a un gol de Perreta que parece que esta pretemporada está enchufado. De tódolos xeitos  aínda non foi máis que un inicio; pero as primeiras impresións son boas. A plantilla aínda non está pechada e pronto tentaremos contar coas impresións do míster e os seus plans futuros. A seguir traballando duro, chavales.

Este xoves, será o segundo partido contra o Deixebre, en Campaña, ás 9 da noite.

TORNEO DE FÚTBOL 3 INDOOR DE CALDAS DE REIS

Unha vez máis o Furia acudiu a un gran evento deportivo, como o que se celebrou o pasado sábado na carballeira de Caldas de Reis. O torneo, ó cal acudiron un gran número de rapaces e rapazas, celebraba a súa primeira edición. Notouse un pouco de improvisación na organización, pero é de entender; e esperemos que sigan con esta iniciativa en anos vindeiros. O noso clube acudiu á cita con catro equipos de distintas categorías: 1 equipo de alevíns, 2 de infantís e 1 de xuvenís. A súa participación foi notable e os resultados bastante satisfactorios.

ALEVÍNS

O equipo estivo formado por Borja Seco, Manu Busto, Manu Meniño (3 goles) e Melanie (3 goles):

Boa participación dos máis pequenos. Gran actuación de tod@s el@s , que aínda que tardaron en collerlle o “tranquillo” o terreo de xogo e ás normas de competición conseguiron acadar a 2ª praza do seu grupo, aínda que non puideron clasificarse para as semifinais xa que solamente se clasificaba o primeiro de cada  grupo. De tódolos xeitos fixeron un papel dignísimo, e demostraron que teñen un futuro moi prometedor. Os resultados foron os seguintes:

Portas B-Furia…7-1

San Martín A-Furia…7-1

A.J.Lérez C-Furia…1-4

INFANTIL A

Equipo composto por: Lucas (20 goles), Alex Barreiro (4 goles) e Samuel Curros (2 goles).

Unha pena o deste equipo. Dende o noso punto de vista eran un dos equipos favoritos. En todos os partidos puideron gañar por goleada, pero no segundo enfrontamento (tamén no primeiro), as expulsións de Samuel e o non contar cun recambio, condicionaron o resultado final, que ó final os apeou da loita polos 4 primeiros postos da clasificación. Unha mágoa. Pero de todas formas, conseguiron un meritorio 2º posto no seu grupo con 6 puntos e sendo os máximos goleadores. Outra vez será. Resultados:

A.C. Lérez A-Furia A…7-10

Portas A-Furia A…7-5

Ribadumia B-Furia A…5-11

INFANTIL B

Equipo composto por: Yupi(6 goles), Samuel Castiñeiras(4 goles) e Xose Castiñeiras (4 goles).

Regular actuación deste equipo infantil. A verdade é que lle tocou un dos grupos máis difíciles, pero eles tamén fixeron moito, xa que se adicaron máis a protestar que a xogar. Si fixeran o segundo, outro galo cantaría; xa que todos eles teñen moito  fútbol nas súas botas. Quedaron 3º no seu grupo con un solo punto. Resultados:

Cuntis-Furia B…8-5

Rápido de Bouzas-Furia B…7-3

A.J. Lérez-Furia B…6-6

XUVENÍS

Equipo composto por: Pascolo(3 goles), Adriansinho (3 goles), Cristian Castiñeiras (5 goles) e Gasito (5 goles).

Enorme e sorprendente o papel deste equipo de xuvenís, que incluso tiña un cadete como Cristian. Fixeron un torneo magnífico sorprendendo a todos. Na fase clasificatoria deron todo un recital de xogo e loita nos dous primeiros encontros. No terceiro, a pesar de que loitaron ata o final, acabaron perdendo ante o que a posteriori sería un dos finalistas do torneo o que fixo que no cruce de cuartos de final se tiveran que enfrontar ó Pontevedra A, que ó final levaríase o trunfo final no torneo. Os catro compoñentes fixeron catro partidos impecables e iso agradeceullo o público que acudiu en gran número a ver o seu cuarto de final contra o “coco” da categoría, o Pontevedra. Como xa queda dito clasificáronse para os cuartos de final; pero neste cruce non tiveron nada que facer ante a apisonadora que era o equipo granate da capital do Lérez. Resultados:

Umia B-Furia…2-4

Vilalonga A-Furia…2-7

Vilalonga E-Furia…8-4

Cuartos de Final: Pontevedra A-Furia…9-1…(Clasificado Pontevedra)

Solamente rematar dicindo que as vitrinas do noso clube xa teñen un novo “trofeo”; xa que os xogadores da primeira plantilla do Pontevedra (que asistiron ó torneo), obsequiaron ó noso clube cunha camiseta firmada por todos e adicada a todo o Furia.

Xa está case pechada a pretemporada do equipo afeccionado que xa onte iniciou os seus adestramentos. Así a planificación da mesma é a seguinte (aínda que pode haber algunha modificación:

     . Sábado 8 de Agosto, ás 7 da tarde, no Campo Municipal de Bamio, enfrentándose ó equipo local.

     . Xoves 13 de Agosto, ás 9 da tarde, en Campaña, contra o Deixebre.

     . Sábado 22 de Agosto, ás 6 da tarde, en Campaña, contra o Abanqueiro.

     . Sábado 29 de Agosto, ás 6 da tarde en Catoira, fronte ó equipo vikingo.

    No resto das categorías, aínda non se iniciou a pretemporada, pero pronto se iniciará, pero xa sabemos que estas categorías comezan un pouco máis tarde.

demáis, informarvos que moi pronto nesta páxina comenzaremos unha sección con entrevistas a cada corpo técnico de cada categoría, con información sobre os obxetivos, coas novas fichaxes, coa planificación,etc. Tamén vos queremos pedir que, nos gustaría que si tedes algunha idea para que este ano poidamos facer mellor a páxina, comunicádenosla a través do foro, ou ben por comentarios. Estaríamos moi agradecidos e así entre todos e todas mellorarémola páxina.