AFECCIONADOS: FURIA-SAN ANTONIO DE HERBÓN (0-0)

Alineacións:

Furia: Peixe (1), Paja (2), Klá (1), Rañó (2), Manolito (3), Xabi (2), Pincho (2), Tito (1), Flores (1), Álvaro (1), Rubén (1)—–Toño (1), Perreta (1), Xurxo(1) e Lilu(1).

Herbón: Xosé Manuel, Rubén, Luliña, Uxío, Óscar, Serxio, Pablo, Héctor, Damián, Rubén Gómez, Xose Antonio—Raposo, Diego e Camilo.

Árbitro: Segundo Tubío. Bo arbitraxe, coma sempre.

Incidencias: Día desapacible, pero con boa presencia de público nas gradas de Campaña. Un público que se entretivo pola emoción e polo incerto do resultado.

“Sorpresas te da la vida, la vida te da sorpresas…” dicía unha coñecida canción da Orquesta Platerías. Pois si, así foi onte en Campaña. O San Antonio deu, posiblemente a sorpresa da xornada ó conseguir o seu primeiro punto contra o noso equipo. O Furia foi incapaz en noventa minutos de perforar o marco dos de Herbón a pesar de que posiblemente fose o partido no que dispuxo de máis e máis claras ocasións de gol de fai moitas temporadas. Pero hai que metelas. E onte o Furia amosou outra vez un dos seus puntos máis débiles: a falta de gol. Unhas veces por mala sorte, outras por falta de puntería e outras por actuacións increibles da defensa e do porteiro do equipo contrario; o certo é que non marcaron. O equipo non xogou mal; intentouno ata o minuto 90, pero a “pelotiña” non quixo entrar. Quizáis si lle hai que recriminar algo ó equipo foi a actitude coa que saíron o campo e a mala mentalización. Non se pode saír a un campo pensando que se vai a gañar coa ”gorra”. Non so se pode un mentalizar para xogar serios e concentrados cando se xoga contra equipos de arriba; senón que tamén o hai que facer contra equipos, en teoría, máis débiles. Para aspirar a algo no campionato hai que gañar si ou si estes encontros. As cousas complícanse, pero queda moita liga, e este tropezón pódese superar, si corrixen estes pequenos erros. Por certo, a aficción do Furia aínda non veu gañar ó equipo como local. Hai que seguir esperando.  O mellor do encontro foi sen dúbida Manolito que fixo un partidazo, e tamén Rañó que solventou el solo o pouco perigo que provocou o Herbón. O vindeiro domingo ás 4 da tarde o equipo viaxa a Bugallido coa intención de correxir este tropezo.

XUVENÍS: FURIA-ESCLAVITUDE (1-3)

Alineacións:

Furia: Carlitos (2 ), Quique(0 ), David (0 ), Pipe (1 ), Borja (0 ), Xoan Carlos ( 1), Pepe (1 ), Po (0 ), Ferro (0 ), Malekinho (1 ), Adriansinho (0 )—-Serxio ( 1), Paco (0), Diego Fernando (0), Carlos Potel (0) e Brais (-)

Esclavitude: Serxio, Rubén, Santi, Pablo, Pepe, Alberto, Abel, Martín, Xosé Manuel, Manolo, Ismael—-Andrés, Félix, Álex, Gonzalo e Adrián.

Colexiado:Xosé Antonio Vázquez Dieste. Desapercibido. Eso fala ben del.

Incidencias: Partido disputado en Campaña. Pouco público e frío, en consonancia coa climatoloxía.

Mal encontro dos xuvenís. En todo momento superados por un bo equipo do Esclavitude, que amosou que é un dos equipos fortes da categoría. E gracias porque Carlitos fixo moitas paradas de mérito. Maquillou o resultado Serxio Llerena, xa nas postrimerías do encontro. O vindeiro sábado ás 4 e media  da tarde, xogan contra o Sporting Estrada, os líderes; polo que semella un encontro cheo de dificultades.

CADETES: CORDEIRO-FURIA (0-0)

Equipo Cadete presente o domingo contra o Cordeiro.

De pé (de esquerda a dereita): Antón, Miguel, Lucas, Jonny, Alex Barreiro, Dani, Xosé, Adrián Casal, Adrián Santos, Christian e Brais.

Aniñados (de esquerda a dereita): Harry, Suso Bousón-adestrador-, Peke-adestrador-, Manu, Fran, Luis David, Melanie e Alex Rial.

Ausentes: Xosé Manuel, Danielinho, Samuel, Álvaro, Kevin e Víctor.

Alineacións:

Cordeiro:

Furia: Christian (2), Alex Rial (2), Miguel (3), Alex Barreiro (1), Adrián Casal (3), Adrián Santos (1), Jonny (2), Dani (2), Fran (1), Lucas (0), Xose (1)——Melanie (1), Antón (-).

Colexiado: Vicente Fiel. Bo arbitraxe. Sen influencia no resultado nin no xogo. Quizáis un pouco riguroso cos cartóns.

Incidencias: Bastante público, pese á hora e ó mal tempo; pero claro tratábase dun derbi.

Que máis dicir. O resultado e o xogo foron os típicos dun derbi. Moitos nervos nos dous equipos, que posiblemente non deran a talla do que realmente son. Partido moi traballado polos dous equipos, con poucas ocasións para ámbolos conxuntos, e polo que se veu no terreo de xogo, pódese considerar un resultado xusto. Despois de que o Furia se quedase con 10 homes pola expulsión dun compoñente do equipo, o Cordeiro apretou máis, pero a defensa do noso equipo liderados por Adrián Casal e Miguel, contivo as acometidas do equipo local. A próxima xornada, enfróntanse a un dos galiños da categoría, o Bertamiráns, en Campaña; pero aínda sen data e hora confirmadas. Sorte.

BENXAMÍNS: FURIA-BERTAMIRÁNS D (5-5)

Plantel do equipo Benxamín que debutou o sábado contra o Bertamiráns.

De pé (de esquerda a dereita): Xabi Martínez, Xenaro-adestrador-, Franco, Nerea, Jonatan, e Brais.

Aniñados (de esquerda a dereita): Antonio, Anxo, Xabi Domínguez e Leandro.

Ausentes: Xosé Piñeiro.

Alineacións:

Furia: Jonathan (2), Nerea (2), Xabi (1), Franco (2), Anxo (3), Leandro (3), Antonio (1)—-Brais (1), Xosé (1) e Xabi Domínguez (1)

Bertamiráns D: Fabián, Iván, Mateo, Fabricio, Carlos, Pedro, César, David, Adrián, Jonatan, Xoan Manuel e Alfonso.

Colexiado: Rubén Maquieira Otero. Moi ben. Ensinándolle ós rapac@s como se deben facer as cousas. Amosou que pode chegar lonxe nun mundo tan difícil como é o do arbitraxe.

Incidencias: Bastante público para ver o debut do equipo.

Xeniais os pequechos. Amosaron que a pesar de ser moi noviños, teñen casta e calidade para chegar a ser algún día futbolistas de gran nivel. Ían perdendo 4 a 0, no minuto cinco da segunda metade, pero conseguiron unha remontada épica, primeiro con dous bonitos goles de Leandro, e logo outros dous de Anxo. O Bertamiráns volveuse adiantar no marcador, pero novamente Anxo puxo as táboas no resultado. Incluso o Furia tivo oportunidades para gañar o encontro. Moi ben todos os rapaces e rapazas, cun enorme partido de Anxo, Leandro, Nerea, Franco e o porteiro Jonathan. O sábado teñen outra oportunidade para amosar as súas cualidades ante o Rois, con horario sen confirmar. Moita sorte.

AFECCIONADOS : RARIS-2  FURIA-4

Alineacións :

RARIS :Roberto,Manuel,Oscar,Diego,Carreira,Jorge,José A.,Angel,Pablo,Aitor e Oscar Vales—-Rubén e Marcos.

FURIA:Peixe (1),Paja (2),Patxi (2),Rañó (2),Nena (2),Xavi (2),Pincho (3),Manolo (2),Rubén Lorenzo (2),Tito (2) e Álvaro (2)—–Cla (1) e Flores (1)

COLEXIADO: J. L. Rives Pena.Mal arbitraxe do noso amigo converténdose no peor rival do Furia, expulsando de maneira inxusta a dous xogadores do Furia e alargando a segunda metade case ata o minuto 55.

INCIDENCIAS: Partido desputado no campo “Das Medas” -Raris- que ben podian facerlle outro novo,xa que chova,neve,vente ou faga sol está completamente fora do seculo XXI.Pobre entrada de espectadores,aínda que se fixeron notar os 50 seguidores do Furia que cos seus cánticos animaron ó equipo de MacRrele sin cesar. O equipo foi ó descanso cun 0-1, gol de Rubén Lorenzo, despois dun contraataque de libro. Este rapaz xuvenil dará apunta maneiras. Despois dunha charla psicolóxica de MacRrele, o equipo saíu en tromba. Así anotou dous goles consecutivos nos primeiros instantes da reanudación  por medio de Álvaro. Logo acortou distancias o Rarís. Xa nas postrimerías do encontro, outro gran contra levou a Pincho a marcar o 1-4. No minuto 98 o Rarís maquillou o resultado cun gol de penalti, moi discutido.

Os incondicionais do Furia facéndose notar en Rarís

O próximo domingo, hai un gran derbi comarcal, pois visitan Campaña os nosos veciños do San Antonio de Herbón. Parece un partido propicio para conseguir a primeira victoria na casa e darlle unha alegría ós afeccionad@s. O encontro será ás 4 da tarde.

XUVENÍS: SAN MARCOS B-FURIA (2-1)

Alineacións:

San Marcos B: Adrián, Nacho, Basilio, Alberto, Iago, David, Martín, Adais, Anxo, Álvaro, Hernán—-Otero, Dani, Enrique.

Furia: Carlos (0), Quique (1), David (1), Pipe (2), Borja (1), Adriansinho (2), Po (0), Pepe (2), Adrián Santos (2), Xoan Carlos (1), Diego Fernando (1)—-Carlos Potel (0), Paco (0) e Dani Castro (0).

Colexiado: Roberto Bentrón “Pepín”. Bo arbitraxe. Tíralle ó pai.

Incidencias: Partido celebrado no Campo de Bando en San Marcos. Pouco público e moi frío.

Partido raro e que enfadou moito ó corpo técnico do Furia. A pesar das numerosas baixas que tiña o equipo, dominou por completo a primeira metade. Ademais do gol de Pepe, o Furia errou unha pena máxima por parte de Carlitos. A segunda metade comezou da mesma forma, con moitas oportunidades para o Furia de sentenciar o partido. Pero incomprensiblemente, non solamente se deixou empatar, senón que xa no desconto o equipo local marcaba o gol da victoria. Este resultado alonxa os chavales dos postos privilexiados da clasificación. Pero queda moita liga, e esperemos que aprendan dos erros cometidos o domingo. O vindeiro sábado  visita Campaña o Esclavitude, ás 4 da tarde.

CADETES: FURIA-DUBRA (SUSPENDIDO)

Encontro que non se chegou a celebrar debido ás inclemencias climatolóxicas. Chovían chuzos de punta e o campo parecía unha piscina (Xa lle vale ós  que o fixeron). O fin de semana próximo hai un gran derbi, xa que xogan contra o Cordeiro ás 11 da mañá, o domingo. Aínda que a hora e o día non son moi aptos para a afección do Furia, animar a todos a apoiar o equipo.

Foto dos romeiros do Furia,xantando na carballeira ,despois de oir unha misa e antes de que empezara a orquestra.

AFECCIONADOS: FURIA-VAL DO ULLA (1-1)

Alineacións:

Furia: Peixe (2), Paja (1), Patxi (1), Rañó (2), Nevero (1), Xabi (2), Ferro (1), Manolito (2), Xurxo (2), Perreta (2), Álvaro (1)—- Pincho (1), Lilu (-)

Val do Ulla: Xosé Manuel, Rubén, Víctor, Manuel, Paco, Miguel, Diego, Xacobe, Samuel, Adrián, Xoan— Gonzalo, Santi, Dimas, Miguel

Colexiado: Claudio Castro Carbia. Mala actuación en xeral, con moitos fallos e erros de apreciación. Moi protestado por ambos equipos.

Incidencias: Partido disputado no Campo Municipal de Campaña, ante pouco público; pero que estivo moi ruidoso, nunha tarde bastante fría, pero boa para a práctica do fútbol.

Intensísimo encontro o disputado onte entre dous dos aspirantes, en teoría, a ocupar postos altos na clasificación. Polo visto onte os dous van a ter moito que dicir neste campionato. O partido foi moi pelexado e con momentos de bo fútbol. O Furia dominou territorialmente case todo o encontro, cun dominio do medio campo gracias a un bo partido de Xabi e Manolito. Sen embargo, foi o Val do Ulla o que se adiantou no taboleiro. O Furia, empatou cun gran gol de Perreta (que tamén estivo moi activo). De aí en diante o Furia sigueuno tentando, a pesar de quedar con 10 homes, por unha rigurosa expulsión; pero marrou varias ocasións, sobre todo unha novamente de Perreta que sacou moi ben o porteiro. Nas postrimerías do encontro, Peixe volveu a  salvar un punto importante, cunha gran intervención no último ataque do Val do Ulla. Está claro que coa actitude, a loita e o xogo amosado onte polo equipo van a ter moito chance durante o campionato. O vindeiro domingo, visitan un feudo que tradicionalmente se lle dá mal ó Furia. O campo do Rarís. Partido difícil, pero que ten que servir para encaramarse xa definitivamente nos postos altos da clasificación.

XUVENÍS: FURIA-ESQUÍO (11-0)

Alineacións:

Furia: Pascolo (1), Quique (1), Pepe (3), David (2), Pipe (1), Adriansinho (1), Diego Fernando (2), Po (1), Rubén (3), Xoan Carlos (2), Dani Castro (1)—- Carlos Potel (1), Serxio (1), Paco (1)

Esquío: Heriberto, Diego, Alex, Rodrigo, Paco, Santi, Martín, Agustín, Tomás, Dani, Aboi.

Colexiado: Manuel Mariño Santamaría. Desaparcibido. Sen nengún tipo de problemas.

Incidencias: Campo Municipal de Campaña. Pouco público.

Partido sen demasiada historia. O resultado fala ás claras. A pesar das baixas do Furia, a superioridade do noso equipo foi apabullante. Gran partido de Rubén (4 goles) e de Pepe (2 goles). Tamén anotaron Diego Fernando, Carlos Potel, Quique, Po e Felipe. Destacar o debut de Pascolo na portería, sen encaixar ningún gol. O Esquío, cuns chavales moi peleóns, ten moito mérito; e non se deben desanimar porque é o seu primeiro ano. O vindeiro sábado, ás 4 da tarde, en San Marcos; enfróntanse ó equipo local; con moitas posibilidades de traerse os tres puntos; e así achegarse máis ós postos importantes da clasificación.

CADETES: BASTAVALES-FURIA (6-4)

Alineacións:

Bastavales: Carlos, Iago, Adrián, David, Xoan, Antón, Alex, Xaquín, Noia, Gabriel, Estebo—-Darío, Xulián, Freire.

Furia: Adrián Casal (2), Antón (1), Manu (2), Miguel (1), Jonys (1), Adrián Santos (2), Xose (1), Alex Rial (2), Kevin (0), Lucas (3), Dani Castro (1)—- Melanie (2), Danieliño (2), Álvaro (1) e Víctor (1).

Colexiado: Vicente Fiel Torres. Non estivo mal, aínda que con algúns erros na sinalización dos foras de xogo. Sen influencia no marcador.

Incidencias: Partido disputado no Campo Municipal de Brión. Unhas instalacións case perfectas. Non demasiado público nos graderíos.

Mágoa de encontro. Os erros defensivos da primeira metade condenaron ó equipo, que chegou a ir perdendo 6 a 1. Xa na segunda metade, tentaron a remontada épica e case o conseguen. Si o encontro durase dez minutos máis posiblemente o farían, pero non conseguiron máis que achegarse no marcador, ata o 6 a 4 final. Moi bo partido de Lucas “Montaña” , de Adrián Santos e de Alex Rial. Os goles foron anotados por Alex Rial, dun forte disparo e un “hat trick” de Lucas, que se levou o balón  firmado polos xogadores. O vindeiro domingo, ás 11 da mañá,  en Campaña, reciben ó Dubra. Un equipo histórico, pero que ten que servir para conseguir a primeira victoria da temporada. Que xa vai sendo hora.

AFECCIONADOS: DODRO-FURIA (3-1)

Alineacións:

Dodro: Martín, Xosé, Carlos, Diego, Pablo, Valentín, Fernando, Diego Gómez, Xosé Anxo, Rodrigo, Xosé Ramón–Xerardo, Mauricio, Xoan, Rubén, Xabier.

Furia: Peixe (2), Paja (1), Patxi (1), Rañó (1), Nena (2), Xabi (2), Ferro (1), Nevero (1), Pincho (1), Perreta (1), Álvaro (1)—-Klá (1), Flores (1), Lilu (0)

Colexiado: Anxo Moledo Becerra. Arbitraxe case perfecto. Sen complicacións. Os xogadores portáronse moi ben.

Incidencias: Mala entrada para ser un partido tan importante, pero o día desapacible e que fose día de todos os santos axudou. Terreo de xogo en boas condicións.

O fútbol demostrou onte que non sempre é xusto. Non é que o Furia merecese a victoria, pero tampouco merecía a derrota, ou polo menos non tan abultada como sinala o resultado. O noso equipo quizais xogou a mellor primeira metade de toda a temporada, pero non sacou tallada, e rematou con 1 a 0 en contra. Xa na segunda metade, os fallos defensivos sobre todo a balón parado, fixeron que o Dodro marcase dous tantos máis. A partir de aí, os nosos desfondáronse e si non chega a ser pola boa actuación de Peixe, o resultado podería ser máis abultado. O Dodro amosou que é un claro candidato non só ó ascenso, senón tamén a ser campión. O próximo domingo, ás 4, outro partido importante diante do segundo clasificado, o Val do Ulla, en Campaña. Hai que gañar ou xa se quedarán descolgados.

XUVENÍS: CORDEIRO-FURIA (2-1)

Equipo do Furia o Sábado no derbi contra o Cordeiro.

De pe (de esquerda a dereita): Borja, Pipe, Pascolo, Carlitos, Malekinho, Po, Xoan Carlos, Diego F., Carlos Potel, Ferro, Cacharrito-adestrador- e Polo-delegado-.

Aniñados (de esquerda a dereita): Serxio, Pepe, Fran, Quique, Brais Kuriña, Rubén, Adriansinho e Ovitwo.

Equipo do Cordeiro que xogou o sábado con Oscar Xil ó frente.

Alineacións:

Cordeiro: Pablo, Marco, Xabier, Samuel, Rubén, Alex, Xabier Magán, Diego, Rubén García, Moisés— Valero, Martín, Diego Pardal, Isaac e Rubén Castroagudín.

Furia: Carlitos (1), Quique (2), Pepe (2), Borja (1), Xoan Carlos (1), Adriansinho (2), Brais Kuriña (2), Po (0), Rubén (1), Malekinho (2), Pipe (1)—Pascolo (0), Diego Fernando (2), Carlos Potel (-).

Colexiado: Segundo Tubío. Bo arbitraxe en xeral. Solamente un pequeno lunar: no segundo gol do Cordeiro, o balón sobrepasara a liña de banda; deixou seguir, e a xogada acabou en gol.

Incidencias: Gran ambiente, cunha gran asistencia de público, tanto do Furia como do Cordeiro; aínda que con maioría de afeccionados do Furia. Bo comportamento das afeccións que demostraron que saben comportarse ben, a pesar da gran rivalidade existente.

Non hubo sorte, e o Furia acabou cedendo no derbi, aínda que de maneira totalmente inxusta. Bo encontro dos dous equipos. Seguramente o resultado xusto sería o empate, pero o fútbol é así. O gol do Furia foi anotado por Malekinho. O próximo os chavales de Polo e Cacharrito, parece que teñen un rival asequible (aínda que no fútbol non hai nada escrito); xa que se enfrontan ó Esquio de Rois, o vindeiro sábado, ás 4, en Campaña.

Manuel Blanco: delegado do Cordeiro, no seu papel protocolario

<

Grupo numeroso de afeccionados do Furia, co melenillas do Presidente e o adestrador do Furia.

Foto que reflexa a tensión vivida nos banquiños, pero de discutible estética.

CADETES: FURIA-TORDOIA (1-2)

Alineacións:

Furia: Christian (1), Miguel (2), Johnys (2), Alex (2), Adrián Casal (2), Adrián Santos (2), Xose (1), Dani (2), Lucas (1), Brais (1), Samuel (1)—-Alex Rial (1) e Kevin (1)

Tordoia: Adrián, Iván, Omar, Pallas, Xoan Xosé, Fernando, Anxo, Diego, Samuel, Cancela, Iván Rodríguez— Xabi e Christian.

Colexiado: Xesús Nogareda Gómez. Mal arbitraxe, perxudicando en varias fases do encontro ó equipo local.

Incidencias: Pouco público, sobre todo debido á intensa chuvia que acompañou ó encontro durante toda a mañá.

Non foi nada xusto o resultado o fútbol neste primeiro envite ligueiro. Mereceron algo máis os chavales do Furia, que a pesar de xogar gran parte do encontro cun home menos, mereceron polo menos o empate, ou incluso a victoria. Pero outra vez será. O gol foi anotado polo debutante Dani Santos de Santa Mariña. O vindeiro domingo viaxan á Bastavales, para enfrontarse ó equipo local, ás 11 da mañá.

ALEVÍNS: ENCONTRO AMIGABLE. FURIA-BERTAMIRÁNS (4-5)

Equipo titular contra o Bertamiráns.

De pé (de esquerda a dereita): Cassano-adestrador-, Brais (1), Alex (1), Borja (1).

Aniñados (de esquerda a dereita): Piñeiro (1), Samuel (1), Anxo (2) e Serxio (2).

Colexiado: Xenaro Barreiro Ferro. Un pouco fondón.

Bo partido, con moita alegría e moitos goles; e onde os asistentes o pasaron moi ben. Os goles do Furia, foron anotados por Serxio (3) e Samuel (1). Amosaron que estes rapaces poden facelo moi ben esta campaña. O próximo encontro amigable está aínda sen concretar.