II PARTIDO BENÉFICO: AMIGOS DO YENKA-AMIGOS DE KAÑOTA

Este vindeiro sábado vólvese a celebrar o xa tradicional partido benéfico do día dos Santos Inocentes. Este ano será un magnífico encontro entre os amigos do Yenka, contra os amigos de Kañota (que naris e que cabesa, mamaíña). O encontro será arbitrado por un magnífico “trípode arbitral”. Como xa sabedes todos os participantes e tamén o público asistente terá que dar a simbólica cantidade de 2 euriños; e como o ano pasado todo o recaudado será utilizado en comprar alimentos para Cáritas de Vilagarcía. Unha iniciativa que non ten parangón, e que este ano copiaron para facer o partido de amigos de Kanouté contra os amigos de Serxio Ramos. Dende aquí animarvos a tod@s a participar, porque é unha boa causa e tamén é un día para botarse unhas risas.