Furia Athletic Club

BENXAMÍNS : DUBRA (6) – FURIA (0)

Campo da Telleira. Moi boa entrada a pesar da calor. Traballou moi ben a cantina. Aquí non perden o tempo.

Colexiado : Serxio Silva. Sen problemas. Nótase que é da escola de Rubén Maquieira, novo colexiado de «primeira rexional «. Parabéns de toda a masa social do Furia, que non é pouca. Hai canteira.

Alienacións :

Dubra : Eloi, Lucas, Gonzalo, Xurxo, Marcos, Ismael, Pepe, Mariño, Xabi, César, Raúl e Rodri.

Furia : Jonathan (3), Xabi (1), Nerea (1), Leandro (1), Franco (1), Anxo (1), Toni (1),  Brais (1) e Pepe (1).

Tres goles en cada tempo determinaron con claridade a diferencia de equipos, como xa demostra a tabula clasificadora. Os nosos xogan este sábado, as 12.00, en Campaña contra o Cordeiro.

XUVENÍS  ( COPA DO SAR ) : FURIA (0) – FÁTIMA (6)

Campo de Campaña. Moita calor. Pedimos «papas » para que nos regaran o campo, a persoa responsable non quería tendo que «recordarlle » que a mañá regarao o Cordeiro. Bastante xente do Castiñeiriño. O resto foi a practicar «windsurf».

Colexiado : Raíces Souto. Correcto. Non houbo tarxetas.

Alienacións :

Furia : Adrián (2), Quique (1), David (1), Borja (1), Pipe (1), Adriansinho (1), Potel (0), Po (1), Diego (0), Brais (1) e Paco (1)……..Dani (1) e Serxio (1).

Fátima : Roberto, Rodrigo, Raúl, Iago, Rubén, Alex, Adrián, Manolo, Álvaro, Serxio e Xoán….Brais, Manu, Adrián e Xabi.

Non hai nada que obxectar. Demasiadas baixas para recibir ó Fátima xa que moitos dos xogadores tiñan que participar co primeiro equipo o domingo  contra o Carcacía. A pesar de isto o Furia foi moi inferior ós do Castiñeirño como demostra o marcador final. Tres «caracois» en cada parte e todos contentos. O partido de volta, puro tramite, xogarase  o sábado 29, as 10.00, no Manuel Paz. Chao copa, chao.

COPA DO SAR (1/8 DE FINAL ) : FURIA (2) – CARCACÍA (1)

Campo » Vello de Baño » (non nos deixaron o de herba ). Case se esgotan as entradas ó ser dia do club. Moita xente de Carcacía que non pararon de animar. Marabillosa deportividade entre as afeccións. Moi boa recadación a pesar de que á  directiva non fixo público os datos. Será polos de Facenda ?. Tarde de moito sol, como nos «toros «.

Gran deportividade entre as dúas afeccións, aínda que o intento de facer un gran mosaico verdiblanco foi un rotundo fracaso. Para a próxima vez levaremos un plano

Colexiados : Vicente Fiel, auxiliado por dous campións : Rives Pena e Eusebio Rodríguez. Moi rápido cas tarxetas,amosou sete amarelas para o Furia e unha vermella e dúas amarelas  para o Carcacía, e moi lento seguindo o xogo. Non ten remedio, este non cambia mais.

Alienacións :

FURIA : Peixe (2), Rañó (2), Juanjo (2), Nena (3), Miki (3), Santi A. (2), Paja (2), Manu (3), A. Ferro (2), Toño (2) e Álvaro (3)………Flores (2) e Ronaldinho (3).

CARCACÍA : Poli, Edu, Roberto, Quique, Fernando, Manolo, Xoan, Xoel, Rubén, Costilleta e Mel……Anxo e Xurxo.

O Furia segue de «mataxigantes» e ven demostrando, da man do seu adestrador Mac, que debería estar noutra categoría superior. O primeiro gol foi obra de Manu, no minuto sete, a raíz dun saque de esquina. Empatou, 20 minutos despois, Xurxo para o Carcacía cun espléndido remate de cabeza noutro saque de córner. No minuto 36, o colexiado sinala penalti claro a favor do Carcacía que se encarga de lanzar Mel ó estilo «Panenka «, saíndo o balón por encima da portería. Posiblemente, esta xogada, fose determinante para o desenrolo final do encontro. Na segunda metade o Furia insiste con moita forza na meta contraría pero sen éxito. No minuto 48 o árbitro expulsa, por agarrar a Álvaro, a Quique e, no 80, a Xurxo  con dobre amoestación por dúas duras entradas, quedando o Carcacía con dous homes menos, situación que aproveitou o adestrador local para meter toda a artillería ofensiva, logrando o obxectivo co gol de Álvaro no minuto 88 deixando todo aberto para o partido de volta. O encontro será o domingo 30, 18.00 horas, no campo de Carcacía. …E venca !!!

COPA DO SAR ( PARTIDO DE VOLTA ) : ESCRAVITUDE (1) – FURIA (2)

Campo do Doce. Totalmente cheo, con moitísimos seareiros do Furia. Tarde de moita calor. O Escravitude non informou do total da recadación, pero había de chegarlle ben. Eles os cartos, e nos a eliminatoria. Tampouco se pode pedir todo.

Sobre estas liñas, Ronaldinho celebrando a victoria coa afección do Furia, que desfrutou dunha gran tarde na Escravitude.

Colexiado : Rivas Lafuente, auxiliado por Santi Rivas e Miluco López. Moi bo arbitraxe, desbordando chulería polos catro costados. Incluso se permitiu algún intercambio verbal cun aficionado do Furia  con frases como : » Vaite pa casa pallaso «, » espérote nos vestiarios «, » vés a berrar aquí o que non che deixan na casa » ou, posiblemente unha das mellores da historia, » saca a «pirola» (membro viril) da boca para falar comigo que non che entendo o que dis «. Resumindo, boa actitude a pesar de que puido amoestar a algún xogador local acabou expulsando ,ó final do tempo regulamentario, a Perreta deixando ó Furia, toda a prorroga, cun  xogador de menos.

Aliñacións :

Escravitude : Pepe, Estevo, Quique, Manu, Anxo, Gago, Pedro, Guillán, Vicente, Gonzalo, Xabi….Abel, David, Andrés e Mingos.

Furia AC : Peixe (10), Roni (3), Juanjo (3), Nena (3), Miki (3) , Santi «Nevero» (3), Paja (3), Manu (3), Liluu (3), Perreta (3 Álvaro (3)…..Rañó (3), Po (3) e Pipe (3).

Crónica : Tiña que ser, xa non había que esperar tanto, o Furia foi superior nos dous partidos, a pesar das baixas cas que contou na eliminatoria : Moncho, Tito, Cassano, Patxi, Nena, Pincho, Clá, Flores, Toñito…, tendo que aliñar a varios xuvenís que non desentoaron en ningún momento. No partido de Campaña xogamos, os  35 minutos finais, con dez pola expulsión de Liluu, e onte  xogamos toda a prórroga con dez pola expulsión de Perreta, cando o árbitro debería expulsar tamén o do Escravitude. Partido sobrado do Furia que se puxo con 0-1  ó cuarto de hora , gol de Perreta. Mediada a primeira parte, Álvaro nun marabilloso contraataque que deixou pasmado o técnico local Petaca, facía xustiza no electrónico co 0-2 para o descanso. Cando xa estabamos recollendo  para celebrar o triunfo, no minuto 91, marcou o gol do empate o Escravitude, o que fixo que foramos á prorroga, iso si, nos cun de menos. No tempo extra o Escravitude volteouse na nosa área, e incluso puido marcar ó final, pero unha gran intervención de Peixe impediuno. Solución final : Penaltis. Peixe parou dous, outro votárono fora (2 goles ); Nena e Po fallaron, pero Juanjo, Paja e Manu non perdoaron (3 goles ) o que fixo posible que o Furia, adestrado con moito entusiasmo por Mac, pase a oitavos de final con todo merecemento.

Agora recibiremos ó Carcacía o domingo as 19.00 horas  no  CAMPO VELLO DE BAÑO, ó non prosperar as negociacións co Concello de Valga, pola cesión do Campo Municipal  de Baño (herba), campo que, como sabedes, é utilizado normalmente por catro amigos de Catoira, aínda que este domingo pasado utilizouno o Cordeiro de cadetes para o seu partido co Silleda da Copa do Sar. Alá eles e elas ca súa conciencia. Será «Dia do Club». Entrada única a «tres euros». Seguiremos informando. ¡¡Hala Furia !! ¡¡A Copa é nosa!! ……E venca !!! Xa podedes ver o «vídeo » dos penaltis realizado por Noelia de Perreta. Grazas Noelia.

BENXAMÍNS : Furia (0) – Bertamiráns (10)

Campo de Campaña. Ambiente «carrapucheiro» . Marcharon moi contentas as nais.

Colexiado : Rubén Maquieira. Impresionante arbitraxe.

Alienacións :

Furia : Jonathan (1), Xabi M. (1), Nerea (1), Leandro (1), Franco (1), Anxo (1), Toni (1), Pepe (19, Xabi D. (1) e Brais (1).

Bertamiráns : Álvaro, Xurxo, Aless, Pablo, Quique, Lestón, Manu, Antón, Lareo, Carlos, Alberte e Salgado.

Primeira parte primorosa por parte do Furia que se foi ó descanso con 0-2. Na segunda metade, a ansia dos nosos xogadores por meter gol, fixo que o Bertamiráns chegase con facilidade á nosa portería meténdonos unha boa tunda que quedou reflexada no marcador final. O próximo encontro será en Dubra, posiblemente o sábado 22 as 11.00 da maña.

XUVENÍS (COPA DO SAR) : MILLADOIRO (3) – FURIA (3)

ESTADIO MUNICIPAL DE AMES (BERTAMIRÁNS ). Unha maña preciosa para comer o pulpo, por exemplo, na Ascensión.

Colexiado : Eusebio Rodríguez. Bastante tarxeteiro. Sen maiores problemas, tendo que expulsar ó xogador nº 10

do Milladoiro por usar un vocabulario impropio.

Alienacións :

Milladoiro : Paco, Borja, Marcos, Rubén, Suso, Xil, Iago, Xosué, Waldir, Adrián e Darío……Marcos.

Furia : Christian (3), David (1), Pepe (1), Pipe (3), Borja (2), Adriansinho (1), Adrián F. (2), Po (2), Paco (1), Brais (2) e Diego (3)……Potel (1) e Serxio (1).

A pesar das baixas cas que contaba o equipo  de Marcos «Polo», Carliños (sancionado), Quique (sancionado), Gas (por durmiñón), puido sacar a eliminatoria adinte sen maiores problemas, xa que aproveitou moi ben ó porteiro dos cadetes «Christian» e o momento feliz que está atravesando Diego Fernando (falan da súa fichaxe polo Estradense), para desbaratar o prantexamento  do Milladoiro. Os coles foron anotados por : Pipe, Paco e Potel. Nos oitavos de final espéranos o Fátima, sendo o partido de ida o sábado 22, en Campaña, as 18.00. E venca!!!!

COPA DO SAR : FURIA (1) – ESCRAVITUDE (2)

Campo de Campaña. Boa temperatura e bo ambiente. Sacamos para pagarlle ós trencillas.

Colexiado : Vázquez Dieste, auxiliado por Piñeiro Prol e Muñíz Lago. Tres pes para un banco. Montáronos un «guirigai» no gol do Furia digno de Fellini, expulsando ó autor do gol «Liluu», cando faltaba media hora, o cal nos impideu poder remontar o partido. Seguro que Petaca estará contento.

Alienacións :

Furia : Peixe (2), Pincho (1), Rañó (3), Juanjo (3), Miki (2), Nevero (2) ,Paja (0), Manu (3), Toño (1), Perreta (1) e Álvaro (0)…….Liluu (2) e Roni (1).

Escravitude : Pepe, Estevo, Quique, Manu, Anxo, Gago, Xoán, Toni, Vicente, Gonzalo E Xabi……Pedro e Domingo.

Posiblemente o resultado debería de ser tablas pero, un mal comezo do Furia ,permitiu que o Escravitude se puxera co 0-2 en dúas xogadas illadas na primeira parte. A segunda metade foi outra historia; o Furia   aspirou a darlle a volta  ó marcador e case o consegue pero, a actuación dos colexiados o impediu coa expulsión de Liluu, autor do gol do Furia.

O encontro de volta será este luns 17 (DIA DAS LETRAS GALEGAS) as 18.00 na Escravitude. Ánimo e a por eles. ¡¡¡A copa e nosa !!!

COPA DO SAR : FURIA – ESCRAVITUDE. IDA, SÁBADO 16 AS 18.00, CAMPO DE CAMPAÑA. VOLTA,LUNS 17 AS 18.00, CAMPO DA ESCRAVITUDE.

BENXAMÍNS : BERTAMIRÁNS «B» (7) – FURIA (3)

Campo Municipal de Bertamiráns. Algo mais de 48 persoas. Boa temperatura.

Aliñacións:

Bertamiráns «B» : Esteban, Alex, Jonathan, Samuel, Adrián, Aaron, David, Bili, Alex V. e Serxio.

Furia : Jonathan (1), Xabi (1), Nerea (1), Leandro (1), Franco (2), Anxo (3),Pepe (1), Xabi D. (1) e Brais (1).

Colexiado : Roberto Bentrón «Pepín». Moi ben situado,  non tivo maiores problemas para sacar adiante este partido.

Puido o Furia sacar un mellor resultado pero nos últimos 10 minutos o Bertamiráns apretou con toda a artillería e fixo inútil os dous goles de Anxo e o de Pepe. Outra vez será. Este xoves 13, as 18.00, xogamos en Campaña contra o primeiro clasificado o Bertamiráns «A».

XUVENÍS (COPA DO SAR) : FURIA (1) – MILLADOIRO (0).

Campo Municipal de Campaña. Tarde de cans. Catro amigos nas gradas e outros catro, por dicir algo, nos banquiños.

Colexiado : Vicente Fiel. Moi mal. Converteuse no único protagonista do encontro, como case sempre, ó expulsar ó porteiro Charles White, pos que non saibades inglés : Carlos Blanco,  con vermella directa por unha interpretación libre dun discurso oral cun rival e, con dúas amarelas, a Quique Rosio .Resumindo, escarallounos o equipo para o partido de volta.

Aliñacións :

Furia : Carlos (3), Quique (2), Pepe (0), Pipe (2),David (2), Adriansinho (1), A. Ferro (0), Po (0), Paco (3), Brais 81) e Diego Fernando (3)……..Pascolo (Non puntúa ó retirarse lesionado nunha xogada  fortuíta), Borja (1), Potel (1) e Gas (1).

Milladoiro : Paco, Borja, Marcos, Rubén, Suso, Xabi, Ismael, Alberte, Waldir, Adrián e Darío…Non houbo cambios.

Partido moi planeado por Marcos Jamardo «Polo» que foi capaz de intuír a táctica do adestrador do Milladoiro Jorge Parada como si se tratase dunha partida de xadrez. Así foi como, nun marabilloso contragolpe, Diego Fernando marcou o único tanto do partido. Na parte final do encontro, Vicente Fiel, sinalou un penalti a favor do Milladoiro, ca consiguiente expulsión de Quique, parando o lanzamento o fenomenal «Carliños». O peor : O árbitro e a lesión do bravo xogador Pascolo. ¡¡¡Ánimo «Pascolo»!!! O mellor : o resultado, que ben pode valer a eliminatoria. O encontro de volta será o sábado 15, as 12.00, no campo de Bertamiráns. ¡¡¡ Sorte!!!

CADETES (COPA DO SAR) : FURIA (0) – BASTAVALES (2)

Campo Municipal de Campaña. Mañá desapracible con frío, choiva e vento, poñéndonos todos, os que eramos, como pitos. Non creemos que os que  presenciaron o encontro no campo de herba (Cordeiro-Silleda) se mollasen. Cun par de ovos. Si señor!!!

Colexiado : Rives Pena. Moi meticuloso e con aires de Muñíz Fernández. Fíxolla gorda o Athletic  de Bilbao.

Aliñacións:

Furia : Christian (1), Antón (1), Manu (2), Adrián (2), Miguel (1), Alex (3), Xosé (1), Dani (1), Samuel (1), Lucas (0) e Santos (1)…..Fran (1), Alvaro (1) e Rial (1).

Bastavales : Raúl, Carlos, Iago, Darío, David, Xaquín, Estevo, Alex, Adrián, Gabri, Antón e Diego….Balboa, Fontáns, Amigo e Ferreiro.

Xa se acabou. O torneo de Copa do Sar, cadetes, que fora impulsada no seu dia polo FURIA, quedouse sen o promotor da mesma ó quedar apeado, as primeiras de cambio, merecidamente polo Bastavales que fixo da súa pegada unha arma letal.O peor : A lesión de Alex Barreiro. Ánimo Alex!!!. O mellor : Que somos uns rapaces estupendos. Sorte para o Bastavales  na seguinte volta, pero…xa se verá.

Salvo algún amigable a temporada rematou oficialmente hoxe. Procurar seguir atentos a páxina.

PEREGRINACIÓN A SANTIAGO (5 DE XUÑO ) :

Debido a tremenda cantidade de xente que hai anotada, tan solo queda recordarvos que, a data tope para apuntarse é o domingo 30 de maio. Temos que avisar na Catedral, no restaurante e a Renfe. Mais información cando a haxa. Je, je…

AFECCIONADOS (COPA DO SAR) : FURIA (3) – ROIS (1)

Aliñacións:

Furia : Peixe (2), Pincho (1), Rañó (1), Nevero (2), Nena (2), Miki (2), Ferro (1), Manolito (2), Liluu (3), Xabi (2), e Álvaro (2)….. Paja (2), Flores (1), Ronnie (2) e Perreta (2). Adestrador: MAC (2,5)

Rois: Huckelberrinho, Rodri, Xosé, Carlos, Toni, Cami, Rafa, Paco, Pepe, Iván e Morales…. Suso e Mendez

Colexiado: Martínez Millán, auxiliado por Alberto Figueira e Alex Álvarez. Non armou follón, por pouco.

Incidencias: Bastante público. Case trescentos € de recadación, sen contar dereitos de televisión.

Superioridade manifesta do Furia, que puido meterlle unha peta ó frouxo equipo do Rois, o cal se portou cunha deportividade maravillosa. Os goles foron anotados por Alvarito (2) e por Adrián Ferro. Partido moi como no que compre salientar boas e malas novas. As boas son que volveron a xogar Miki e Ronaldinho despois do seu exilio, e a mala noticia e a lesión de Xabi Cotón, que salvo recuperación milagrosa se perderá a final de copa.

Próximo partido no Campo de Campaña contra o Esclavitude.  O sábado 15 as 18,00 horas partido de ida. O luns 17, as 18,00 horas, será o de volta no campo da Escravitude.

Xabi Cotón, antes da súa lesión

Radiografía do pé de Casano. Radiografía cedida polo Hospital provincial de Conxo.  Tódolos dereitos reservados

A rotura prodúxose no metacarsiano metatarsiano. Agardamos unha pronta recuperación

BENXAMÍNS: FURIA-SAN MAMEDE (0-9)

Aliñacións:

Furia: Jonathan (1), Xabi (1), Nerea (1), Leandro (2), Brais (1), Xose (1), Franco (1), Pepe (1) e Xabier (1)

San Mamede: Fabián, Adrian, Marcos, Brais, Damián, Darío, Alex, Iago, Nico, Damián Noia

Colexiado: Rubén Xoel. Na súa liña

Incidencias: Había festa en San Miguel. Os nosos rapaces desfrutaron da orquestra ata altas horas e iso notouse no rendemento dos xogadores. Outra vez será!

Próxima xornada: Sábado 8 en Bertamiráns.

COPA DO SAR

Categoría xuvenil: Sábado 8 ás 18:00 no campo de Campaña contra o Milladoiro

Categoría cadete: Domingo 9 . Campo de Campaña contra o Bastavales. Horario : 11,00.