Campo de Campaña : Moi bo ambiente, tanto dentro como fóra. Moito mirón vendo o partido dende a pista ( quedade na casa e non dar vergonza por aí adiante). Recadación : quitouse para o árbitro.

Aliñacións:

Furia : Peixe (1), Rañó (1), Chapas (2), Manu (2), Juanjo (1), Santi (1), Tito (0), Cassano (0), Liluu (2), Diego (2) e Álvaro (1)……..Maleko (1), Pipe (1) e Adriansiño (1).

Pazos : Pistolas Iº, Pistolas IIº, Xoan, Chungo, Adrián, Noel, Rego, Óscar, Héctor, Gustavo e Suárez………Víctor, Sueiro, Rial e Xaime.

Colexiado : Rafael Vicente , cada día a peor. O traxe, de dubidoso gusto, moi apertado e co cu «patrás». El o quere é cobrar e do resto xa falaremos. A pesar de todo expulsou correctamente a un xogador do Pazos (por unha man dentro da área) e a dous do Furia : Casano e Tito (ámbolos dous por facer o burro).

Partido moi disputado nunha tarde de temperatura agradable. O Pazos, que arreou bastante leña, púxose por diante, coa colaboración de Peixe,nun contraataque moi rápido. O Furia remontaría, a pesar de xogar máis de 70 minutos con 9, con goles de Manu (penalti), Chapas e Liluu. Domingo ,en Vea, xogaremos contra o equipo local a recordar vellos tempos. Supoñemos que a hora será as 16.30.

Equipo do Furia que este domingo se enfrontou ó Pazos.

De pé (de esquerda a dereita): Liluu, Peixe, Chapasi, Tito, Juanjo, Manolito e Nevero.

Aniñados (de esquerda a dereita): Rañó, Diego Melenas, Cassano e Álvarito.

UNHA NOVA SECCIÓN NA NOVA TEMPORADA.

O PARTIDO VISTO POR…

BILE

Non vin ben ó equipo, cunha actitude moi pasiva. Cagámola coas expulsións meresidas de Tito e de Cassano, e houbo relativamente suerte porque os do Pasos eran peores que os nosos; porque senón sejuramente o resultado sería ben distinta. O público portouse moi ben. E o árbitro estivo moi falador e prejuntou polo (sejún el) o «puterillo» de Peke. O que si é lamentable do campo é que a xente poida ver o partido desde fóra, e que teña que haber dúas portas abertas, cando podía haber unha sola.

En canto ás perspectivas deste ano, vexo ben ó equipo; pero fáltalle un pouco de actitude. E sobre todo teñen que deixar de darlle ó bisté e dedicarse máis a xojar. Si este ano queremos subir, o que está claro é que temos que respetar máis ó árbitro e tamén ós contrarios.

Campo das Penedas. Moita calor. A pouca zona de sombra que había estaba abarrotada. Acabáronse as pipas.

Colexiado : Claudio Castro. Moi protestado polos dous bandos.

Aliñacións :

Biduido : Edu, Manu, Rubén, David, Gustavo, Ramón, Santi, Elián, Anxo, Arufe e Paco……..Alberte, Xavi, Felipe, Cobas e Couselo.

Furia : Peixe (1), Roni (1), Patxi (1), Rubén (0), Xavi (1), Nevero (0), Ferro (1), Manu (1), Lilu (1), Tito (2) e Álvaro (2)……Adriánsiño (1), Pepe (1), Rañó (1) e Pipe (1).

Pouco fútbol nunha tarde mais propicia para ir á vendimar (sobre todo o tinto). O porteiro local, Eduardo Varela, fixo grandes intervencións ó mais puro estilo «David De Gea» e, de seguir así, acabará sendo, posiblemente, o mellor porteiro da liga. Os goles do Furia foron obra de Xavi (1), Álvaro (2)  e o cuarto en propia meta. Coidado co Biduido que pode ser, perfectamente, o equipo «tapado» da competición.

Próximo partido : Domingo 26, hora : 17.00, Campo de Campaña. Festas de Santa Minia en Brión.

A próxima semana a páxina comezará a pleno rendemento, con fantásticas novidades. Agardamos que nos sigades como nestes dous últimos anos.

O primeiro partido da temporada 2010/2011 será en Biduido contra o temible equipo local, un dos galiños da categoría. Neste dia celebrase a onomástica de «San Xenaro», foi bispo de Benevento e é o patrón de Nápoles. En Valga hai varios Xenaros, ningún é santo, mais se temos que salientar a algún este debe ser Xenaro Barreiro e Ferro. «Parabéns Xenaros».

«SE A UVA QUERES VER ENGORDAR, POR SAN XENARO TES QUE VER O CEO CHORAR»

O sábado 18 de setembro, de 12.00 a 14.00 horas, no Local Social ( Casa da Cultura de Campaña – Campo de festas ), explicaremos e recolleremos toda a información para tódolos nenos e nenas que queiran xogar ó fútbol no mellor equipo do mundo. ¡¡¡ Hala Furia !!!

Xa temos a venta participacións de catro ( 4 ) euros de lotería de Nadal da administración de » La Bruixa D’or » ( Sort – Lleida ). Hai moi pouca. Podedes comprarlla a calquera directivo do Furia. ¡¡¡ Que a sorte nos acompañe !!!

Como non somos quen de mellorar o sistema, tanto deportivamente como economicamente, despois de tantos anos batendo : «papeis para aquí, papeis para alá; chámalle a Xan, chámalle a Pericán»…..Tan solo nos queda desexarlles, como mínimo, o que eles desexen para nos. Seguimos «on-lain».

O xoves 9 de setembro, contra o Pazos, e o xoves 16 contra o Dodro, en Campaña, sobre a noitiña, en horario de adestramento. A liga comeza o dia de San Xenaro en Biduido.

Partido de fútbol marabilloso ó mais puro estilo «drin-tin» . Menos xente que na comida de D. Manuel pero mais que na primeira comunión do fillo de «Nartallo». Goles de Tito e de Manolito. Boa arbitraxe de Marcos J. Pérez. Pronto empezamos a liga. ¡¡¡ Barça, Madri, xa estamos aquí !!!

Os veciños e veciñas de Campaña organizaron para este sábado unha homenaxe ó noso ben querido» socio número un» D. Manuel Miguez Lodeiros ( O Pino, 28 de abril de 1936 ) cura-párroco da parroquia de Santa Cristina de Campaña,Arciprestado de Iria-Flavia, Partido Xudicial de Caldas de Reis, Provincia de Pontevedra ( Reino de Galicia ), bañada polos rios Valga e Ulla, e habitada, aproximadamente, por 998 persoas de todo tipo. O Furia, dende esta humilde páxina, quere unirse a mesma e desexarlle o mellor para D. Manuel e que siga disfrutando moito tempo da vida. ¡¡¡ Longa vida a D. Manuel !!!