DEZASEISAVOS DE FINAL
FURIA – 1 (JJ) / LAMELA – 2
Partido disputado no campo de Mularedos (Lamela – Silleda) o non obter resposta da solicitude de poder xogar no campo municipal de Baño como locais.
Con moito ambiente, nunha tarde fría, o Furia, único representante vivo na competición do concello de Valga, quedou eliminado de xeito inxusto desta histórica copa.
O Lamela, equipo de superior categoría, acabou pedindo papas ante o empuxe final do Furia, que de durar o partido cinco minutos mais, posiblemente outro galo cantaría.
Agradecer ó Club Lamela a cesión das súas instalacións para poder disputar con total normalidade esta eliminatoria.
Sempre nos quedará a dúbida de que pasaría xogando o Furia como local no “noso campo”… pero esa é outra historia. Todo se andará.
