MARTES 26 DE FEBREIRO, ÁS NOVE E MEDIA DA NOITE, NO CAMPO DA CAMPAÑA.
A primeira vez na historia, dende o ano 1996, que o Furia se enfronte ó equipo “arrieiro” de Vilatuxe.
San Lourenzo de Vilatuxe é unha parroquia que se localiza no concello de Lalín. Conta aproximadamente con 664 habitantes distribuídos en dezasete aldeas.
San Lourenzo de Vilatuxe, arciprestado de Deza – Trasdeza, dioceses de Lugo. Está situada na parte leste da Serra do Candán, concretamente entre Forcarei e Lalín, na ruta do camiño dos arrieiros que se dirixían a Santiago procedentes do Ribeiro, por iso a súa economía estaba baseada nos mercados, nas pousadas e na fabricación de queixos e manteigas.
A Serra do Candán estendese polos concellos de Forcarei, Lalín, Silleda, Beariz e O Irixo. Entre as súas cimas destacan o Alto de San Bieito, O Coco, Seixos Brancos, Chamor e o Alto de San Sebastián. Tratase dunha serra de baixa altitude xa que tan só un monte supera os 100 metros.
Unha imaxe ó “chou” da Serra do Candán.
Houbo unha importante feira, a feira dos Carballiños, que desapareceu nos anos corenta. En 2010 retomouse esta feira celebrándose anualmente o segundo domingo de maio, recuperáronse antigas tradicións e hai mercado de artesáns e feira ao xeito tradicional.
Esta feira é unha das mais importantes da comarca ambientada nos anos 60. As veciñas, veciños e visitantes deberán acudir ós Carballiños vestidos de época.
Cantar da Feira dos Carballiños.
O Vilatuxe F.C. está participando no grupo 5 da segunda autonómica; está clasificado no posto 17 con 19 puntos.
