DOMINGO 14, ÁS CINCO DA TARDE, NO CAMPO MUNICIPAL DE CHENLO (TARRÍO – LAÍÑO – DODRO).
No concello de Dodro, aparte do equipo de fútbol, existen unha serie de figuras de renome transfronteirizo.
Pintada nas paredes do C.P.I. Eusebio Lorenzo Baleirón que representa ó escritor de Dodro.
Hoxe falaremos de Eusebio Lorenzo Baleirón. Eusebio Lorenzo Baleirón, nado en San Xulián de Laíño (Dodro) o 25 de xaneiro de 1962 e finado o 14 de decembro de 1986 tamén en Dodro, foi un escritor galego. Era irmán do tamén escritor Manuel Lorenzo Baleirón.
No décimo aniversario da súa morte editouse a súa obra poética completa: Gramática do silencio. Obra poética. Así mesmo, en 2000 saíu á luz Antología Poética, unha antoloxía bilingüe (galego-español) baixo o coidado de Ánxeles Penas.
Ánxeles Penas García, nada en Teixeiro (Curtis) o 5 de maio de 1943, é unha poeta galega, primeiro en castelán e, desde 1982, en galego.
En 2017 foi candidato a ser a figura homenaxeada no Día das Letras Galegas correspondente ao ano 2018, canda Ricardo Carballo Calero, Plácido Castro, Antón Fraguas e María Victoria Moreno, que é a que foi finalmente escollida.
C.P.I. Plurilingüe Eusebio Lorenzo Baleirón.
Premio Eusebio Lorenzo Baleirón
O Premio de poesía Eusebio Lorenzo Baleirón foi instituído en 1988 polo concello de Dodro co obxectivo de contribuír á reafirmación da lírica galega e na honra ó poeta Eusebio Lorenzo Baleirón. As coleccións dos gañadores publícanse, dende 1992, na Colección de poesía Eusebio Lorenzo Baleirón de Ediciós do Castro.
Dodro é un bo exemplo para comprobar a evolución da poboación do rural galego. Aquí vos deixamos un gráfico moi explicito:
Dodro tamén é coñecido dende este lado do río Ulla como “A Banda do Mar”; e, os de Dodro, por conseguinte, son “Os da Banda do Mar”.
