DOMINGO 20, HORA 16.30, NO CAMPO MUNICIPAL R. D. DE PONTE CESURES.
ENTRADA ÚNICA TRES (3) EUROS
Ca visita do Carreira terminase a primeira volta.
O Carreira é un equipo de fútbol da parroquia riveirense de San Paio de Carreira, na comarca do Barbanza. No ano 2007 tiña 2.211 habitantes (1.072 homes e 1.139 mulleres), 37 máis có ano anterior.
Igrexa parroquial de San Paio de Carreira, chea de sol por tódalas partes.
Forma parte do Arciprestado de Postmarcos de Abaixo, da Arquidiocese de Santiago de Compostela. Entre os anos 1820 e 1835 a parroquia foi constituída como Concello Constitucional, integrándose no de Riveira logo da reforma administrativa do ano 1833, vixente na actualidade.
Capela de San Paio de Vilar de Cordeiro, de finais do século XVIII.
Campo de fútbol municipal de San Paio de Refoxos de Cee. Como curiosidade debemos indicar que San Paio tamén é capela de Vilar de Cordeiro, así como a igrexa parroquial da Estrada ou o Campo de Fútbol Municipal de Cee entre outras caralladas…
Igrexa parroquial de San Paio da Estrada.
De tódolos San Paio aquí nomeados, imos quedarnos co noso.
O día da Candelaria, desde 1918, os veciños e veciñas de Vilar de Cordeiro (Valga) celebran unha singular procesión, na cal varias mulleres cargan con cestas cheas de lacóns. A tradición iniciouse a raíz da virulenta epidemia de gripe que asolou aquel ano toda a península Ibérica. Hai outras tradicións ligadas a esta peculiar celebración da Candelaria, como a de pasar por debaixo da imaxe dos santos ou a de bendicir velas contra as tormentas.
A aldea de Vilar (na parroquia de Cordeiro, Valga) celebra cada 25 de xaneiro a festa do seu patrón, San Paio. E faino con unha procesión que consiste en ir ata a igrexa parroquial e levar para a pequena capela do lugar as figuras de San Roque e San Antonio. Como xa é tradición dende fai décadas, ambas imaxes volven –con motivo da Candelaria– á igrexa nunha singular procesión na que, un ano máis, varias mulleres de Vilar camiñaron os dous quilómetros que separan a aldea do templo parroquial de Cordeiro con cestas cargadas de lacóns sobre a cabeza. Trátase dunha vella tradición, que se remonta ó ano 1918, cando se declarou unha mortífera epidemia de gripe. Os veciños e veciñas de Vilar reclamaron o auxilio dos santos e o avance da enfermidade parouse. En agradecemento, os veciños e veciñas empezaron a levar como ofrendas lacóns a San Roque e a San Antonio.
A procesión faise a pé entre Vilar e Beiro, aldea onde se ergue a igrexa parroquial de Cordeiro. Ambos lugares están separados por un par de quilómetros, que a comitiva fai en algo máis de hora e media. Uns levan as imaxes de San Roque, San Antonio e San Paio –que logo regresa a Vilar– mentres que as mulleres portan sobre as súas cabezas cestas con hasta tres e catro lacóns, o que pode significar un peso duns 20 quilos.
Festas na parroquia de San Paio de Carreira.
As festas de Nosa Señora de A Guía soen abranguer dous días; a aldea vístese de festa pagana pero garda un marcado carácter relixioso e ofícianse misas de 8 da mañá a 1 da tarde – cantada – e durante a tarde ás 6, 7 e 8. As dúas xornadas de festexos son resultados da fusión doutro par de celebracións: o xa mencionado de A Guía e maila festa do Carme. O día do patrón, San Paio, non se vive un grande ambiente de festa nas rúas pero si aumenta a actividade relixiosa, e soen realizarse varias confirmacións, previstas expresamente para ese día.
O grupo Platinum de Riveira, aquí interpretando a peza verbeneira “ABRAN PASO”, rachou ca pana nas pasadas festas da Guía.
PALMEIRA – FURIA: DOMINGO 13, ÁS CATRO DA TARDE, NO NOVO CAMPO DE VENTÍN (PALMEIRA – RIVEIRA).
San Pedro de Palmeira é unha parroquia que se localiza no leste do concello de Riveira. No ano 2013 tiña 2.694 habitantes (1.382 mulleres e 1.312 homes) distribuídos por 18 aldeas, o que supón unha diminución en relación ao ano 1999 cando tiña 2.905 habitantes.
Igrexa parroquial de San Pedro de Palmeira
Na aldea de Figueirido está a Pedra das Cabras, un espectacular petróglifo datado na idade de bronce.
A Pedra das Cabras (2200 – 1800 antes de Cristo).
Palmeira, aparte de ser un coqueto pobo mariñeiro, ten o seu “aquel” ca Sociedad Hijos de Palmeira, fundada o 1 de abril do ano 1929 en Newark, capital do estado de New Jersey (USA), a unha hora en coche ó oeste de New York, cruzando o río Hudson.
Esta “Sociedá” foi a primeira en sufragar economicamente e beneficiar, entre outras iniciativas coma é o equipo de fútbol, cunha escola pública a tódolos veciños e veciñas de Palmeira.
Vaia dende aquí unha pequena homenaxe ós fundadores da SHP (1929):
Andrés Paisal Ramos -presidente-, Vicente Franco Paisal -vicepresidente-, Jesús González -secretario-, Andrés Santiago Gómez -vicesecretario-, Antonio Rodríguez Martínez -tesoureiro-, e os vogais Pedro Gómez Pazos, Andrés Santiago Rodríguez, Andrés Gago Fernández e Francisco Blanco.
Mo
Mosaico conservado na Sociedad Hijos de Palmeira. Neste emblema figuran os símbolos masónicos, presencia quenon será, supoñemos, froito da casualidade, pero esa é outra historia. De loxias, mandís, escuadras e compases falaremos, ó mellor, noutra ocasión.
DOMINGO 23, HORA 16.30, CAMPO R. DIÉGUEZ (PONTE CESURES).
ENTRADA ÚNICA TRES (3) EUROS.
Un pouco de Dodro.
O equipo de fútbol do CD Dodro que xoga no campo de Chenlo, naceu no ano 2000 como continuación do CD Bacelos, que á súa vez foi tamén a continuación do Laíño CF, histórico club de fútbol dodrense, que chegou a xogar na primeira autonómica e a gañar 3 Copas do Sar.
Dodro, tamén chamado polos moradores deste lado do río “A BANDA DO MAR”, é un concello da provincia da Coruña pertencente á comarca do Sar; está situado no suroeste da provincia, onde o río Ulla se funde coa ría de Arousa. No ano 2015 tiña 2882 habitantes. Tendo en conta que no ano 1986 habitaban en Dodro 3661 persoas e, tendo en conta que esta tendencia vai sempre á baixa dende dende fai mais de 30 anos, non sería de estrañar que en pouco tempo este territorio sexa absorbido por algún que outro concello limítrofe.
Tres parroquias compoñen este fermoso territorio: Santa María de Dodro (que inclúe a aldea secesionista de Lestrobe), San Xián de Laíño e San Xoán de Laíño.
Santa María de Dodro, San Xián de Laíño e San Xoán de Laíño.
DOMINGO 16 <> HORA 17.00 <>CAMPO DA TRINIDADE DE OLEIROS (RIVEIRA)
ARTES (1º CLASIFICADO CON 24 PUNTOS)
FURIA (2º CLASIFICADO CON 21 PUNTOS)
O CD Artes é un dos cinco equipos do Concello de Riveira que participan nesta “Liga do Sar” xunto co X. Aguiño, At. Oleiros, S.H. Palmeira e Carreira C.F.
San Xián de Artes é unha parroquia situada no suroeste da península do Barbanza, administrativamente depende do concello de Ribeira. No ano 2015 tiña 812 habitantes (422 mulleres e 390 homes).
Igrexa de San Xián de Artes.
Mapa do Concello de Riveira.
Eclesiasticamente falando, San Xián de Artes pertence ó arciprestado de Postmarcos de Abaixo (A Poboa do Caramiñal). Mais, isto é outra historia.
XOVES 6 DE DECEMBRO, ÁS 16.15, NO CAMPO MUNICIPAL RAMÓN DIÉGUEZ DE PONTECESURES.
ENTRADA ÚNICA TRES (3) EUROS.
FURIA (TERCEIRA GALEGA GV): SEGUNDO CLASIFICADO CON 21PUNTOS.
O PINO (SEGUNDA GALEGA GV): SEGUNDO CLASIFICADO CON 27 PUNTOS.
O Pino é un concello da provincia da Coruña, pertencente á comarca de Arzúa. Limita ao norte con Frades e Oroso, ao sur con Touro e Boqueixón, ao leste con Arzúa e ao oeste con Santiago de Compostela. No ano 2015 tiña 4706 habitantes. O camiño francés atravesa dunha punta a outra este fermoso territorio.
Igrexa parroquial de San Paio de Carreira, chea de sol por tódalas partes.
Capela de San Paio de Vilar de Cordeiro, de finais do século XVIII.
