FURIA – 0 / URDILDE – 2
De pé, de esquerda a dereita : Diego Fernando, Álex, Javier, Mani Isorna, Pimen, Nacho e Manu Pontellón.
Aniñados, de esquerda a dereita : Rubén Canle, Martín, Pepe. Manu Carro, Quique e Adrián.
Partido disputado no Municipal de Porto ante menos de 200 espectadores. Tarde moi fría e moi gris. Non choveu.
O colexiado Javier Bao tivo unha actuación determinante ó anular un gol legal a Álex por unha suposta falta ó porteiro. Sería o empate a uns. Na segunda metade concedeulle validez ó 0 – 2 a pesar de encontrarse o dianteiro visitante en claro fora de xogo.
Con todo, non foi o mellor día para os xogadores do Furia que viron como se lle escaparon os tres puntos para Urdilde de xeito meritorio.