O Furia xogará como local os encontros que restan de liga no Campo Municipal Ramón Diéguez de Pontecesures, o que se fai público para xeral coñecemento.
O Furia agradece a boa disposición do Concello de Pontecesures.
Cordeiro – 16 / Furia – 2 (Runi, 2) # Domingo, 15 “Os goles do Furia moi celebrados, como se ganásemos o mundial”
Colexiado : Claudio Castro. Ben.
SEGUNDA AUTONÓMICA :
FURIA – 3 / PORTO DO SON – 1
Campo Ramón Diéguez de Pontecesures, perfecto. Sobre 100 espectadores que puxeron a cantina a 100 por hora. Marabillosa afición.
Colexiado : Miguel Anxo Piñeiro “O Doutor”, de Santiago. Ben en linas xerais, aínda que un pouco lento. Amosou dúas amarelas por bando.
Alineacións :
FURIA : Peixe, Salva, Miguel, Santi, Juanjo, Xabi, Roberto, Tito, Manolo, Diego e Álvaro ……..Maleko, Moncho, Adrián Ferro e Toñito.
PORTO DO SON : Manolo, Pedro, Serxio, Óscar, Anxo, Dani, Queiruga, Ismael, Iván, Blanco e Alberte …… García, Santos e Podoviaye.
Un gran partido o disputado na solleira tarde do domingo no Municipal de Pontecesures. Un Porto do Son que non tivo fortuna en dúas ocasións aisladas ó enviar sendos balóns ó poste da portería de Peixe que, sen dubida algunha, foi un dos mellores xogadores do Furia. Roberto “de Nai” puido marcar de falta dende fora da area pero paroulla o Manolo e Álvaro, que non anda nada fino, fallou un par delas contra o porteiro man a man de xeito incrible (ó mellor era por que estaba seu sogro no partido).
Descanso, 0 a 0, todos para a cantina e sorteo do lacón que lle tocou ó pai de Tito; haberá “changüi” ?
Comenza a segunda parte e sigue facendo frío. Pronto, na primeira xogada de ataque, Roberto internase pola banda, fai o pase da morte e un defensa ó intentar despexar o esférico introdúceo na súa porta aínda que o árbitro anotoullo ó propio “de Nai”.
Despois deste gol o Furia gaña confianza e, dalí a uns minutos, marcaría un precioso gol Juanjo ó controlar un balón co peito, baixalo sen tocar o chan e disparar o fondo da meta visitante sen paliativos. 2 a 0 e todos contentos.
Cambios no Furia e cambios no Porto do Son. Aquí está o dilema, non sen antes volver a fallar Álvaro a porta baleira outro gol enviando o balón fora. Entra polos visitantes un chaval de nome Popoviaye que foi o revulsivo total ademais de ser un gran xogador que anotaría o 2 a 1. Faltaban 20 minutos e os aficionados xa temían o peor : Esclavitud, Cacheiras ……. que conseguiran no seu día remontar marcadores semellantes. Moitos nervios nas bancadas e o Porto do Son que seguía achuchando sen compasión. A falta de cinco minutos fixo outra gran intervención Peixe ó deter case na liña de gol un remate de cabeza a boca de xerro dun dianteiro visitante cando xa se cantaba o empate pero, o fútbol e así, cando mellor estaba a xogar o equipo visitante, o Furia, por medio de Adrián Ferro, montou un contraataque perfecto no minuto 94, que chegou a altura da area disparando con moita potencia e rechazando o porteiro deixándolla a “huevo” a Manolo que non tivo mais que empuxala.
Pasouse mal pero, a verdade, é que o Porto do Son e moi bo equipo, boa xente e así o demostra na clasificación. Sorte.
O seguinte partido será o sábado de entroido contra o Bertamiráns no seu campo.
Campo de Extramundi; menos de 100 espectadores, a maioría seareiros do Furia.
Colexiado : Marco Recigliano, de Santiago. moi protestado polos dous equipos. Expulsou ó adestrador do Furia con dobre amarela, 30′ e 52′, e ó xogador Patxi Salinas tamén con dúas amarelas, 45′ e 58′.
Alineacións :
SAR : García, Pérez, Viaño, Rodríguez, Pesado, Lorenzo, Santos, Blanco, González, Lamas e Pardal ……Gómez, Sayáns e Castro.
FURIA : Peixe, Miguel, Patxi, Santi, Manuel, Roberto, Tito, Toñito, Diego, Álvaro e Salva…..Juanjo e Adrián Ferro.
Partido moi igualado onde o Furia sempre foi a remolque no marcador. O primeiro gol marcouno o Sar dunha bonita xogada entre Anxo (exFuria) e Gonzalo que anotou un precioso tanto no minuto 15 logo dun saque de banda na area do Sar. O empate tardaría 20 minutos en chegar ó aproveitar Tito un barullo na area local enchufando o esférico ó fondo das mallas.
Descanso e todos para vestiarios (Coco “Bonachón” tamén).
Comenza a segunda parte e mais do mesmo. O Sar volve á adiantarse no “electrónico” por medio de Pesado polo minuto 10. Empataría Juanjo ó rematar coa cabeza un saque de falta lateral no minuto 30 facendo as delicias da nosa estupenda afición. Pouco mais que contar, salvo as expulsións de Mac e Patxi, e “ata logo Lucas”.
Agora o Furia é octavo a tres puntos do cuarto e a sete “mais un” do descenso.