BENXAMÍNS
Sar – Furia; sábado 10, hora 16:00, campo de Extramundi – Padrón.
ALEVÍNS
Sálvora – Furia; sábado 10, hora 10:00, campo da Fieiteira – Ribeira.
SEGUNDA AUTONÓMICA
Furia – Taragoña; domingo 11, hora 16:00, campo municipal de Porto – Ponte Cesures.
San Salvador de Taragoña é unha parroquia situada ao norte do concello de Rianxo, na comarca da Barbanza. Linda ó norte co concello de Boiro e a parroquia de Araño, ó oeste co concello de Boiro, ó leste coas parroquias de Asados e Rianxo e ó sur coa ría de Arousa.
O alcume que reciben as xentes de Taragoña é o de “Cangrexeiros”. Este sobrenome é orixinario dunha peculiar historia dun veciño da parroquia chamado Felipe “O Delgado” que vivía no Burato, unha persoa de familia adiñeirada, que foi vendendo todo o seu capital e gastando os cartos ata que quedou sen un real, logo o home ía comer ás casas dos veciños e borralleiras. Asemade nos días de marea ía á ribeira á praia da Torre para mariscar e botar algo á boca, sendo naquela época moi abondosos os cangrexos na zona do río, e fixo unha empanada botándolle masa por riba dos crustáceos aínda vivos, escapando estes coa masa ó lombo cando lles chegou a quentura do lume.
Ó non dispoñer dunha foto de Felipe “O Delgado”, mostramos a dun cangrexo común (Carcinus maenas) na honra de tan ilustre personaxe.
San Salvador de Taragoña.
A POLOS TRES PUNTOS E HALA FURIA !!!!!!