FURIA – 2 / CROCHA – 0
Campo Municipal «Ramón Diéguez» de Pontecesures; instalacións en perfectas condicións.
Colexiado : Honorino Raña, de Santiago. Non tivo problemas, aínda así amoestou con 10 amarelas os xogadores do equipo do Caramiñal e catro ós do Furia.
Alineacións :
FURIA : Peixe, Maleko, Juanjo, Salva, Manuel, Manolito, Robertiño, Tito, Manolo, Diego e Álvaro ……. Liluu, Ferro, Moncho e Marcos.
CROCHA : Roberto, Rodrigo, David, Pablo, Luías, Loxo, Estevo, Ángel, Benigno, Carlos e Héctor …….Xosé, Santi, Pepe, Xurxo e Xosé.
Dous golazos marcados na primeira parte foron suficientes para dobregar ó bo equipo da Poboa dirixido maxistralmente por Bautista Pérez, un vello coñecido do Furia.
Moi superior o noso equipo que de estar un pouco atinado Álvaro a goleada puido ser de escándalo.
O Primeiro tanto foi unha obra mestra de Diego ó golpear o balón dende fora da area, na saída dun córner, coa esquerda o metela a presión na meta defendida por Roberto que é o xenro dun bo paisano de Bealo que ven pola nosa terra a vender pipas.
Roberto «de Nai» foi o autor do segundo e fermoso gol ó marcar de vaselina un pase perfecto de Diego.
Tiveron varias oportunidades Álvaro, Manolo, Tito, de Nai, Manolito ….. mais non foron quen de concretalas mentres o Crocha limitábase a defender e a saír a algunha contra sen moito éxito. Co 2 a 0 fomos ó descanso.
Todo o mundo a tomar café á cantina axudando a facer uns pesos para poder pagarlle ó árbitro.
Na segunda metade mais do mesmo. O Furia arriba e o Crocha defendendo e intentando saír ó contragolpe sen moito éxito. Peixe, Maleko, Juanjo e Salvador formaron unha lina defensiva insuperable.
Pero a partir do minuto 83 a cousa cambia un pouco. Tito ponse a facer unha chambonada no medio do campo roubando a pelota o Crocha e non marcando gol por pouco ó salvar Maleko debaixo dos paus co peito o disparo do dianteiro visitante desviando o balón a córner.
No minuto 89 o árbitro sinala penalti a prol do Crocha por unhas mans de Salvador ó defender un balón aéreo. Peixe, que tivo un día marabilloso, parou o lanzamento dedicándolle a parada a Pepe Zoco que, á vez, foi o agraciado cun lacón.
Púxosenos o corazón nun puño pero saímos ben parados.
Aínda houbo tempo para dúas ocasións mais. Un remate de cabeza de Juanjo e un disparo de Adrián Ferro que desviou moi ben Roberto.
Final do partido e aplausos mutuos dos xogadores e afección.
Dos nove puntos disputados en Porto conseguimos sete, que non están nada mal. Se gañamos domingo en Oleiros e despois ós nosos veciños o presidente ofrece unha mariscada. Veña, a pola mariscada.
VIVA O PRESIDENTE !!!!
VIVAN AS MARISCADAS !!!!!
VIVA O FURIA !!!!!!!!!
BENXAMÍNS :
FURIA – 5 / ROIS «B» – 3
Campo de Campaña; moi bo ambiente.
Colexiado : Álex Álvarez, de Santiago. Moi ben.
Alineacións :
FURIA : Matías, Edgar, Isaac, Martín Freiría, Martín Calvo, Yessica, Pablo, Álex Rodríguez, Laura, Álex Gasamanes e Leandro.
ROIS «B» : Mario, Iván, Nicolás, Iker, Pablo, Santos, Moncho, Raúl, Pablo, Álex, Miguel e Adrián.
Moi vistoso o partido, cheo de goles, onde os espectadores e os xogadores pasárono pipa.
Os tantos do Furia foron executados por Martín Calvo e Leandro, 4. Polo Rois marcaron Raúl (2) e Moncho.
Para sábado comenza a segunda volta viaxando a Dodro.
SORTE !!!!!
PREBENXAMÍNS :
FURIA – 3 (Salva e Runi,2) / DODRO – 3 (Manolo Rei)
Campo de Campaña; moita avoa, moito avó, moita mamá, moito papá, moitas e moitos irmáns, moitas primas, moitos primos, moita curiosa e moito curioso para presenciar un partido magnifico.
Colexiado : Álex Álvarez; desapercibido.
Alineacións :
FURIA : Manoliño, Xosiño, Carliños, Marquiños, Salvadoriño, Runisiño, Ikeriño, Darvinsiño, Pepiño, Ainoíña e Xiánciño.
DODRO : Brais, David, Manolo, Xosé, Manuel, Samuel, Raúl, Luís, Suso, Manoliño e Daniel.
Un espectáculo marabilloso o desenrolado polos chavaliños e chavaliñas dos dous conxuntos, superando as expectativas creadas, con un toma e daca incansable.
Púxose o Furia 3 a 1 pero unha remontada dos da outra banda do río permitiulles igualar o encontro no tramo final xenerando un entusiasmo impresionante.
Parabéns ós dous equipos.
Na seguinte xornada descansamos.
INFANTÍS : Descanso
XUVENÍS :
Bandeira – 7 / Furia – 1
Campo de A Gandareira; terreo moi areoso.
Colexiado : Fernández Froiz, de Lalín. Ben. Amosou dúas amarelas ós locais e unha ó Furia.
Alineacións :
BANDEIRA : García, Cendeira, Pena, Mesa, López, Calviño, Rios, Filloi, Ternera, Varela e Mariño…….. Salgueiro, Diéguez, Xil, Sánchez e Breo.
FURIA : Bille, Tempe, David, Pablo, Álex, Lucho, Xosé, Alberte e Danieliño.
Moi boa primeira parte dos nosos que con so nove xogadores conseguiron ir ó descanso con 2 a 1, gol de Alberte a pase de Álex.
Na segunda metade o Furia non conseguiu resistir e foi o Bandeira, loxicamente, quen se levara o gato á auga.
A seguinte xornada xogarémola en San Mamede o sábado 21, as 12 da mañá. Sorte !!!!!
HALA FURIA !!!!!
BENXAMÍNS :
Furia – Pontecesures; venres 13, hora 18.30, Pavillón de Dodro (Fútbol – Sala)
Furia – Rois «B»; sábado 14, hora 11.00, Campo de Campaña (F-8)
PREBENXAMÍNS (F-8) :
Furia – Dodro; sábado 14, hora 12.00, Campo de Campaña.
XUVENÍS :
Bandeira – Furia; sábado 14, hora 16.00, Campo de Bandeira (Silleda)
INFANTÍS :
Descansan
SEGUNDA AUTONÓMICA :
Furia – Crocha; domingo 15, hora 16.15, Campo Ramón Diéguez (Pontecesures)
Entrada única : catro euros. Servizo de cantina. HALA FURIA!
FURIA – 2 / X. AGUIÑO – 0
Campo Ramón Diéguez (Pontecesures); tarde perfecta. Entrada regular, traballando moi ben a cantina. Gracias a todas e a todos que nos botades unha man.
O público asistente, no cambio de Diego Melenas por Xabi, agradeceu cun largo aplauso o seu retorno ós terrenos de xogo.
Colexiado : Logan San Pedro, de Santiago. Bastante discutido polo banquiñoo local, sobre todo por non sinalar un claro penalti a Tito na primeira parte e, na segunda, por non expulsar ó porteiro visitante por saír fora da area xogando o balón coas mans (tarxeta amarela). Bueno, sabe facelo mellor.
Alineacións :
FURIA : Peixe, Salva, Juanjo, Martín, Manuel, Manolito, de Nai, Tito, Manolo, Diego e Álvaro…….. Xabi, Santi e Adrián Ferro.
AGUIÑO : Guinaldo, Vidal, Callón, Gude, Suárez, Cadaval, Otero, Cadorniga, Deus, Cores e Bardeiro ……González e Bandín.
Un gran partido o disputado no Campo de Porto polo Furia que foi moi superior en todo momento ó Aguiño que puido marchar goleado.
O Furia, que se presentaba practicamente con todos seus efectivos, saíu dende o primeiro minuto a polo partido. De estar un pouco atinados arriba xa se podería estar mais tranquilos no descanso, pero non foi así.
Non sinalou o árbitro o dichoso penalti e, de alí a un pouco, marcaría Álvaro a pase de Diego. Puido o Furia incrementar o marcador, fallando innumerables ocasións, e permitindo que Peixe se lucira, na única parada, enviando o balón a córner nun dos poucos disparos meta do equipo visitante na primeira metade.
Na segunda, mais do mesmo. Unha defensa moi ordenada, cun medio do campo moi traballador e un bo ataque forman unha combinación perfecta.
O segundo gol do Furia foi case unha obra de arte. Unha boa internada de Roberto pola banda dereita, asiste a Diego e este deixa pasar o balón para que golpee Manolo ó fondo da portería de David Guinaldo que, todo hai que dicilo, foi o mellor xogador visitante. Pero aínda quedaba outra.
Xabi, nunha fermosa xogada de todo o equipo, atopouse so diante do porteiro cun balón de ouro, quíxolle facer unha »cuchara» saíndolle un «cabaso» as mans do porteiro cando tiña toda a meta para el. Se o outro día foi seu primo Lilu o que fallou, hoxe tocoulle a el. Para outra volta será.
Hai que sinalar que o Furia con toda a plantilla ten equipo para estar mais arriba, esperando que teñamos un segunda volta de «champión – li».
Para domingo comenza a conta atrás recibindo ó Crocha no Campo de Porto, equipo que nos ganou no partido de ida por 2 a 1.
HALA FURIA !!!!!! 
BENXAMÍNS :
Rois – 8 / Furia – 0
Campo da Braña, San Lourenzo de Seira; moito frío.
Colexiado : Rafael Vicente; como da familia.
Alineacións :
ROIS : Héctor, Álex, Iván, Raúl, Ismael, Pintiño, Martín, Serxio, Brais, Nicolás, Dani e Noel.
FURIA : Matías, Edgar, Runi, Isaac, Martín freiría, Martín Calvo, Iessica, Pablo, Álex Rodríguez, Laura, Salva Álex Muiños.
O Furia presentouse a xogar en seira con varios prebenxamíns pagando moi cara a ousadía. Aínda que o resultado foi un pouco avultado, ninguén discute o merecido triunfo local.
Para o sábado 14 recibiremos ó Rois «B», e iso xa será outro cantar.
XUVENÍS :
Furia – 1 / Bertamiráns – 1
Campo de Campaña; unha vintena de espectadores.
Colexiado : Xaquín Ventoso, de Boiro. Tivemos que arranxar a pechadura da porta do seu vestiario xa que non funcionaba. É unha pena que tiveramos que arranxala nos. Expulsou a Miguel e a Quique. Con nove fomos uns fenómenos.
Alineacións :
FURIA : Bille, Tempe, David, Quique, Miguel, Pablo, Álex, Ionis, Xosé, Lucho e Danieliño.
BERTAMIRÁNS : Pipe, Pepe, Adrián, Santi, Nicolás, Iván, Martín, Alberte, Porto, Waldir e Brais ………Rubén, Mario e Samuel.
Un partido dos nosos xuvenís digno do premio «Mellor Equipo do Mundo».
Empezamos moi ben con gol de cabeza de Pablo Louriño á saída dun córner. Puido apuntalar o segundo Lucho, mais estivo lento.
O Bertamiráns intentouno, recollendo o seu premio con un gol en posición dubidosa de Iván, ó remate da primeira parte.
Na segunda metade o Bertamiráns sae mais incisivo. Danieliño, cun balón de ouro, fallou o 2 a 1, pero no minuto 53 o colexiado sinala penalti en contra do Furia expulsando a Miguel. Tiran o penalti e párao Bille (xa hai quen di que o quere o Estradense) desviando o balón por riba do longueiro.
No minuto 80, o árbitro expulsa a Quique Rosío por usar un vocabulario inapropiado.
Os nove xogadores que quedaron no campo, incluídos dous cadetes, portáronse como leóns e mereceron o tradicional «ovo de dúas xemas» en especial David Bille.
Moi ben chavales. Para sábado imos a Bandeira, terra de boas empanadas, a ver se salta lebre. HALA FURIA !!!!!
BENXAMÍNS
Rois / Furia; sábado 7, hora 9.45, Campo de Seira (Rois)
XUVENÍS
Furia / Bertamiráns; sábado 7, hora 16, Campo de Campaña.
SEGUNDA AUTONÓMICA (Último partido da primeira volta)
Furia / X. Aguiño; domingo 8, hora 16.15, Campo Ramón Diéguez – Porto – (Pontecesures)
PREBENXAMÍNS «F – S» e «F – 8″ : Descansan
INFANTÍS : Descansan
