Moito premio para o Cacheiras nun encontro que se decidiu na primeira metade.
Anotaría Xoán o primeiro tanto para o Cacheiras, minuto 5, ó atoparse cun regalo da defensa do Furia.
No saque de centro posterior, un balón en profundidade recibido por Lula serviulle a este para anotar o empate nunha boa xogada individual.
Hugo volvería a marcar para o Cacheiras no minuto 28 aproveitando outro fallo defensivo.
No minuto 35, Lula foi derribado clarísimamente por un rival non sinalando o colexiado o penalti que podería ter significado o empate a 2.
O definitivo 1 a 3 sería outra vez obra de Xoán (43′) que non desaproveitou outro agasallo da zaga do Furia.
Na segunda metade o Furia intentou con moitas ganas reducir a diferencia no marcador pero unhas veces a mala puntería, outras o atino do porteiro e outras a defensa que se encheu de achicar balóns foron impedimentos de sobra para que non se movera o resultado.
O Cacheiras á contra, aproveitando o empuxe do Furia, dispuxo de dúas boas ocasións pero o porteiro Álex foi quen de desbaratalas.
Un resultado que non mereceu o Furia recibir neste primeiro encontro de liga disputado baixo moita calor.
O próximo encontro será o domingo 8 en Lesende onde intentaremos recuperar os tres puntos.
De pé, de esquerda a dereita : Marcos Jamardo (adestrador), Rubén Canle, Tito. Álex, Adrián, Manu, Moncho, Manolito ( C ), Nacho e Javier.
Aniñados, de esquerda a dereita : Perreta, Rubén Domínguez, Paja, Lula, Óscar, Ramón, Manolo e Jorge.
